მოთხოვნა დიმიტრი გელოვანზე... სფფ-ის პრეზიდენტობის კანდიდატს მოთხოვნები წაუყენეს

მოთხოვნა დიმიტრი გელოვანზე... სფფ-ის პრეზიდენტობის კანდიდატს მოთხოვნები წაუყენეს: უმაღლესი განათლება, ფეხბურთში ჩართულობა და არანასამართლეობა

ცნობილია საქართველოს ფეხბურთის ფედერაციის გადაწყვეტილება - ორგანიზაციის 29-ე საარჩევნო ყრილობა 2019 წლის 15 თებერვალს ჩატარდება. სფფ-ის ცნობით, ყრილობის დღის წესრიგთან დაკავშირებული შემოთავაზების წარდგენა სფფ-ის წევრებს ყრილობის თარიღამდე სულ მცირე 30 დღით ადრე (15 იანვრის ჩათვლით) წერილობითი ფორმით შეუძლიათ.

ამასთანავე, სფფ-ის საპრეზიდენტო კანდიდატების, აღმასრულებელი კომიტეტის წევრობის კანდიდატთა და დელეგატთა წარდგენის ბოლო ვადა გახდა ცნობილი - ამ თარიღად 21 იანვარი გამოცხადდა.

დებულების მიხედვით, სფფ-ის პრეზიდენტობაზე კანდიდატურების წარდგენა შეუძლიათ მხოლოდ სფფ-ის წევრებს (სუბიექტებს). ერთი მნიშვნელოვანი პუნქტიცაა - პრეზიდენტობის კანდიდატი სფფ-ის სამმა სუბიექტმა უნდა წარადგინოს.

სფფ-მ კანდიდატის წარდგენის კრიტერიუმიც დაასახელა: სფფ-ის პრეზიდენტობის კანდიდატი შეიძლება იყოს 24-დან 70 წლამდე პიროვნება, რომელსაც უმაღლესი განათლება უნდა ჰქონდეს. ის უნდა იყოს საქართველოს მოქალაქე, საფეხბურთო საქმიანობაში აქტიურად ჩართული და არ უნდა იყოს ნასამართლევი. მან წერილობითი ფორმით უნდა დაადასტუროს, რომ აღიარებს სფფ-ის, ფიფას და უეფას წესდებებს, დებულებებსა და გადაწყვეტილებებს და წარმოადგინოს სამოქმედო პროგრამა.

ყოველდღიური სპორტული გაზეთი "ლელო"
1216
მკითხველის კომენტარები / 0 /
მსგავსი ამბები
რუბრიკის სხვა სიახლეები
;