მომავალი წელი უკეთესი უნდა იყოს!

საქართველოს ნაკრები სულ მალე დაიწყებს ახალ წელს და ახალ სეზონს. 2018 წელს ჩვენი გუნდის უმთავრესი მიზანი ერთა ლიგაში წარმატებული გამოსვლა იქნება.

მანამდე კი ვნახოთ, რა გვარგუნა გასულმა წელმა. შევთანხმდეთ იმაზეც, რომ მომავალი წელი ეროვნული გუნდისთვის გაცილებით უკეთესი უნდა იყოს...საქართველოს ნაკრებმა წლის პირველი შეხვედრა დუბაის შეკრებაზე, უზბეკეთთან გამართა.

მატჩი 2:2 მორჩა. ქართველთაგან გოლები საბა ლობჟანიძემ და თემურ შონიამ გაიტანეს. უზბეკთაგან კი თა ვი შომურადოვმა (დუბლი) გამოიჩინა. დუბაის შეკრება ვლადიმირ ვაისის გაწვრთნილმა გუნდმა იორდანიასთან ამხანაგური შეხვედრით დაასრულა.

სამწუხაროდ, იმ თამაშს სიამაყის გრძნობით ნამდვილად ვერ გავიხსენებთ. იორდანიელებმა ექსპერიმენტული შემადგენლობით მოასპარეზე საქართველოს ნაკრებს ალ-დარდურის გოლით მოუგეს. დადგა მსოფლიოს ჩემპიონატის შესარჩევი ციკლის მატჩის დროც. თბილისს სერბეთის ძლიერი ნაკრები ეწვია.

შეხვედრის დასაწყისი საქართველოს ნაკრებისთვის იმედისმომცემი იყო. ნიკა კაჭარავას გოლით დავწინაურდით, თუმცა ამის შემდეგ სერბებმა იძალეს. ტადიჩის, მიტროვიჩისა და გაჩინოვიჩის გოლებით ფავორიტმა თბილისიდან 3 ქულა წაიღო. ამას მოჰყვა ამხანაგური შეხვედრა ლატვიასთან. ეს თამაში ჩვენი გუნდისთვის საუკეთესო იყო გასულ წელს. ვაისის გაწვრთნილმა გუნდმა მართლაც

რომ ზედომინანტური ფეხბურთი ითამაშა და 5:0 გაიმარჯვა. გოლები ჯანო ანანიძემ (2), გიორგი ქვილითაიამ (2) და გიორგი არაბიძემ გაიტანეს. მორიგ ამხანაგურ შეხვედრაში თავიდან გვარიანად კი გაგვიძალიანდა "ჯუჯა" სენტ კიტსი და ნევისი, მაგრამ მეტოქე მაინც გავტეხეთ.

პირველი, უგოლო ტაიმის შემდეგ დუბლი მიითვალა გიორგი არაბიძემ, ერთიც ლადო დვალიშვილმა შეაგდო. მუნდიალის შესარჩევი ციკლის მორიგი მატჩი კიშინიოვში ვითამაშეთ.

საქართველოს ნაკრები თავიდან ორი ბურთით ჩამორჩა მოლდოვასთან შეხვედრაში. მეორე ტაიმში ვაისმა შემადგენლობაში კორექტივები შეიტანა, ის უფრო შემტევი გახადა და კინაღამ

მოვიგეთ, თუმცა არც ფეხბურთში და არც ცხოვრებაში "კინაღამ" არ ითვლება. მხოლოდ ქულას გამოვრჩით. გინსარისა და დედოვის გოლები გიორგი მერებაშვილმა და ვაკო ყაზაიშვილმა გაქვითეს. მერე იყო თბილისური შესარჩევი მატჩი ირლანდიასთან.

ბევრისთვის გასაკვირად, საქართველოს ნაკრები "სამყურებთან" შეხვედრის მთელ რიგ ეპიზოდებში მართლაც რომ საგრძნობ უპირატესობას ფლობდა. ჩვენდა სამწუხაროდ, მსაჯის შეცდომის შემდეგ დაფმა ანგარიში გახსნა, ყაზაიშვილმა კი გაათანაბრა. მორიგი საკვალიფიკაციო მატჩი ავსტრიაში ჩავატარეთ. ვაკო გვილიას გოლით დავწინაურდით,

მაგრამ მერე ავსტრიამ თანდათან დაალაგა თამაში. მასპინძელთა შემტევმა შაუბმა გათანაბრება შეძლო, თუმცა ავსტრიელებმა მეტის გაკეთება ვეღარ მოახერხეს. საბოლოოდ, საქართველოსთან  ფრემ ავსტრიას მუნდიალზე მოხვედრის თეორიული შანსიც კი გადაუწურა.

მორიგი შესარჩევი გამოცდა გვქონდა უელსთან და ის აშკარად ჩავაფლავეთ. ბრიტანელებმა ლოურენსის გოლით მოგვიგეს. სიმართლე უნდა ითქვას, მათი უპირატესობა მთელი შეხვედრის განმავლობაში თვალსაჩინო იყო და უელსელთა 3 ქულას დაუმსახურებელს ვერავინ უწოდებს.

შესარჩევი ციკლის ბოლოს სერბეთს ვესტუმრეთ. საქართველოს ნაკრებმა გვარიანად ანერვიულა მოწინააღმდეგე, რომელსაც მსოფლიოს ჩემპიონატზე გასასვლელად მხოლოდ მოგება სჭირდებოდა. საბოლოოდ, მასპინძლებმა ჩვენს კარზე

წნეხი გაზარდეს და პრიოვიჩის გოლით საწადელს მაინც მიაღწიეს. წლის ბოლოსწინა შეხვედრაში საქართველოსნაკრები გორში დაუპირისპირდა კვიპროსს. შეხვედრა ქართველთა გამარჯვებით 1:0 დასრულდა.

ერთადერთი გოლი გიორგი ქვილითაიამ მიითვალა. ბოლოს კი იყო უხვგოლიანი ამხანაგური "თრილერი" ბელარუსის ნაკრებთან. ქართველთაგან გოლები ირაკლი სიხარულიძემ და ლაშა დვალმა  აიტანეს, ბელარუსთაგან კი თავი სტასევიჩმა და ნიხაიჩიკმა გამოიჩინეს.

...თვალის ერთი გადავლებითაც კი ცხადია, რა აკლდა საქართველოს ეროვნულ ნაკრებს 2017 წელს. ეს იყო სტაბილურობა, რომლის გარეშეც დღევანდელ ფეხბურთში რაიმე, თუნდაც მცირე წარმატებაზე ფიქრიც კი უტოპიაა.

სათვალავშია ჩასაგდები ისიც, რომ ტრადიციულად, თითქმის არცერთი შეხვედრა არ ჩაგვიტარებია ოპტიმალური შემადგენლობით. მთელ რიგ მატჩებში კი ჩვენი ნაკრები განახევრებული შემადგენლობით თამაშობდა.

ყველაფერს რომ თავი დავანებოთ, ხშირად უქმობდნენ ნაკრების ლიდერები - ჯანო ანანიძე, თორნიკე ოქრიაშვილი და ლევან მჭედლიძე. მათმ გარეშე კი ჩვენი ქვეყნის უმთავრესი გუნდი სულ სხვა კრებულია, ვიდრე  მათთან ერთად.

ტრადიციულად პრობლემა იყო საქართველოს ნაკრების ფეხბურთელთა სათამაშო პრაქტიკა უცხოურ კლუბებში. თავისთავად, სათამაშო დროის სიმცირე დაღს ასვამდა ნაკრებში ფეხბურთელების გარჯას.

ერთადერთი გამონაკლისი, ალბათ, ჯაბა კანკავა იყო, რომელიც უკლუბოდ ყოფნის პერიოდშიც კი როგორღაც ახერხებდა, გამორჩეული ყოფილიყო ეროვნული გუნდის შემადგენლობაში.

ვფიქრობთ, ის პროფესიონალიზმის მაგალითს აძლევს ნებისმიერ ქართველ ფეხბურთელს... სხვა მხრივ, ჩვენ მოუთმენლად ველით მომავალ წელს. წლის ბოლომდე კი ვაისის "ქართულ წელიწადს" შევაფასებთ და სლოვაკი მწვრთნელის ნაღვაწს კონკრეტული მატჩების მიხედვით განვიხილავთ...

ყოველდღიური სპორტული გაზეთი "ლელო"
1816
მკითხველის კომენტარები / 0 /
მსგავსი ამბები
რუბრიკის სხვა სიახლეები
;