შალვა ობგაიძე "საბურთალოს" გამოექომაგა: მაშინ შენ არაგულშემატკივარი ყოფილხარ მუდრეგო დედისმაგინებელო!

ევროპალიგაზე "არარატთან" წაგებას უარყოფითი დამოკიდებულება მოჰყვა კლუბისადმი.

"საბურთალოს" პრეზიდენტის თანადგომა პარლამენტარმა შალვა ოგბაიძემაც გამოხატა:

"მე არ მეყოფა სიტყვების მარაგი, რომ გადმოგცეთ ის სიმწარე, რაც ჩემს გულში ტრიალებდა. მაგრამ ძალიან ზუსტად და ცხადად ვხედავდი ჩვენი "საბურთალოს" გუნდის დირექტორატის სახეებს. იმედგაცრუება, ბრაზი, პასუხისმგებლობის სიმძიმისგან გამოწვეული შეშფოთება, და ყველაზე მთავარი: უსაზღვრო ფიზიკური და მორალური ტკივილი, რომელსაც მათი თვალები ვერ მალავდა.

მე გულშემატკივარი ვარ. სიტყვა გულშემატკივარი მსოფლიოს არცერთ ენაზე არ ითარგმნება. გული და ტკივილი. აი, ესენი ვართ გულშემატკივრები. მაგრამ რომის პაპზე კათოლიკე და პირადად ტარიელ ხეჩიკაშვილზე გულმტკივანობა არავინ დაიჩემოს. ჩვენს თვალწინ მომეჩვენა, რომ რამდენიმე წლით დაბერდა და თითქოს ჭაღარაც მოემატა ტარიელს.

და ამ დროს სტადიონზე ისმის დედის გინება. ერთი წამით წარმივიდგინე ჩემი ფეხბურთელი შვილიშვილები (17 და 14 წლის) და ამ დროს ვიღაც მუდრეგი დედას აგინებს. და ტარიელს 11 ასეთი საკუთარ 7 (შვიდ) შვილთან გათანაბრებულ შვილობილებს უგინებენ. მორჩა, აღარ ვართ გულშეატკივრები? პროტესტს გამოვთქვამთ, რომ გული გვატკინეს?

ესე იგი, ვერ იტან წაგებისგან გამოწვეულ გულის ტკივილს? მაშინ შენ არაგულშემატკივარი ყოფილხარ მუდრეგო დედისმაგინებელო. დიახ, არაგულშემატკივარო. მე მჯერა საბურთალოსი, მას ხომ სახელწოდებაში გენეტიკურად "ბურთი" აქვს ჩადებული და ამ გუნდის დნმ-ის კოდს წარმოადგენს. თავები მაღლა, "საბურთალო". თავი მაღლა ტარიელის გუნდო! მე მზად ვარ კიდევ ბევრჯერ გიგულშემატკივროთ და თუ წავიფორხილეთ - ჩვენ გყავართ ხელის შემშველებლები - თქვენი ნაღდი გულშემატკივრები! წინ, მომავალი გამარჯვებებისაკენ! სა-ბურ-რთა-ლო, სა-ბურ-რთა-ლო, სა-ბურ-რთა-ლო... თქვენი რიგითი გულშემატკივარი შალვა ოგბაიძე".

6994
მკითხველის კომენტარები / 0 /
მსგავსი ამბები
რუბრიკის სხვა სიახლეები
;