მოსალოდნელი იყო და მოხდა: არსენალმა ემერი გაუშვა

მოხდა ის, რაც ალბათ, არ იყო ძნელად პროგნოზირებადი - ლონდონის „არსენალმა“ მთავარი მწვრთნელი უნაი ემერი თანამდებობიდან დაითხოვა, მიზეზად გუნდის მიერ ბოლო დროს ნაჩვენები არადამაკმაყოფილებელი შედეგი დასახელდა - ამის შესახებ ინფორმაციას ლონდონური კლუბის ოფიციალური ვებ გვერდი აქვეყნებს.

როგორც ჩანს, „არსენალის“ ბოსებისთვის ბოლო წვეთი აღმოჩნდა 28 ნოემბერს ევროპალიგაზე საკუთარ მოედანზე ფრანქფურტის „აინტრახტთან“ განცდილი მარცხი (1:2).

ემერის გათვისუფლებაზე კომენტარი კლუბის მფლობელმა სტენ კრონკემ გააკეთა: „გულწრფელად მადლობას ვუხდით უნაი ემერისა და მის შტაბს გაწეული სამუშაოსთვის, ისინი ძალ-ღონეს არ იშურებდნენ, რომ „არსენალისთვის“ ძველი დიდება დაებრუნებინათ. ვუსურვებთ მას წარმატებას მომავალ საქმიანობაში.

„არსენალის“ დროებით მწვრთნელად ემერის ასისტენტი, შვედი ფრედი ლიუნგბერგი დაინიშნა.

439
მკითხველის კომენტარები / 0 /
მსგავსი ამბები
რუბრიკის სხვა სიახლეები
;