გოგა ბითაძემ NBA-ს დრაფტიდან კანდიდატურა მოხსნა

ცხელი ინფორმაცია: 19 წლის გოგა ბითაძე 2018 წლის დრაფტში მონაწილეობას აღარ მიიღებს. ასეთი გადაწყვეტილება მან და მისმა აგენტმა მიიღეს და კანდიდატურა ოფიციალურად მოხსნეს.

ამის ოფიციალური მიზეზი ჯერ არ თქმულა, თუმცა სულაც არ არის ტრაგედია. ბევრ ცნობილ კალათბურთელს მოუხსნია კანდიდატურა. როგორც ჩანს, აგენტთან შეთანხმებით ბითაძემ გადაწყვიტა, რომ მომავალ სეზონში კიდევ უფრო კარგად მოემზადოს ევროპაში და შემდეგ უფრო თამამად შეუტიოს NBA-ს.

იგი გასულ სეზონში სერბული "მეგა ბიმაქსის" ღირსებას იცავდა და გუნდის ლიდერიც იყო. მომავალ სეზონში ორმაგად გაუმჯობესებულ გოგას ველით, რადგან მან თავისი შრომისუნარიანობით ამას უკვე მიგვაჩვია.

"მეგა ბიმაქსამდე" კი საქართველოს ნაკრებია: 29 ივნისსა და 2 ივლისს ჩვენს ეროვნულ გუნდს ორი მოსაგები მატჩი აქვს - სერბეთთან და ავსტრიასთან. 12 ივლისს კი ევროპის ახალგაზრდული ჩემპიონატის შესარჩევი ეტაპი იწყება, სადაც საქართველოს საკმაოდ ძლიერი 20-წლამდელთა ნაკრები ითამაშებს.

ყოველდღიური სპორტული გაზეთი "ლელო"
847
მკითხველის კომენტარები / 0 /
მსგავსი ამბები
რუბრიკის სხვა სიახლეები