მოულოდნელი შანსი! აი, ასე დაბრუნდება კვირკველია ლოკომოტივის ძირითადში...

საბა კვირკველიას უთამაშებლობა ქართულ საფეხბურთო საზოგადოებას ძალიან აღელვებს. ქვეყნის ეროვნული გუნდის ერთ-ერთი ლიდერი და დაცვის ბურჯი მოსკოვის "ლოკომოტივის" ძირითად შემადგენლობას ჩამოშორებულია მას მერე, რაც წინა ჩემპიონატის ბოლო ტურში ტრავმა მიიღო, მერე დიდხანს იმკურნალა, სანაკრებო მატჩებიც გაუცდა...

გამოჯანმრთელების შემდეგ მან სულ თითზე ჩამოსათვლელი რაოდენობის მატჩები ჩაატარა "ლოკომოტივში" და უკვე დაიწყო ლაპარაკი იმაზე, რომ ამ ზამთარს ერთ-ერთი იმათგანი იქნებოდა, ვინც "რკინიგზულ" კლუბს დატოვებდა...

მაგრამ აი, კვირკველიას მოულოდნელი შანსი უჩნდება, დაუბრუნდეს "ლოკომოტივის" ძირითად შემადგენლობას. საქმე ისაა, რომ მოსკოველები "კიოლნში" იჯარით უშვებენ ბენედიკტ ჰიოვედესს.

"ბილდის" ინფორმაციით, 31 წლის ცენტრალური მცველი პირად კონტრაქტზე უკვე მოელაპარაკა გერმანულ კლუბს, რომელიც ბუნდესლიგაში დარჩენას ცდილობს და ძალიან სჭირდება გამოცდილი მცველის სამსახური. 

თუ ეს გარიგება შედგა, იური სიომინი, ძალიან მაღალი ალბათობით, ჰიოვედესის ადგილზე სწორედ კვირკველიას დააყენებს. თუმცა, ცხადია, ეს მხოლოდ ვარაუდია, ოღონდ - არცთუ უსაფუძვლო.

ჰიოვედესი "ლოკომოტივში" 2018 წლიდან თამაშობს. 32 მატჩში მან 3 გოლის გატანა მოახერხა. საუკეთესო წლები (2007-18) "შალკეში" გაატარა (240 მატჩი, 12 გოლი), მცირე ხნით განათხოვრებული იყო "იუვენტუსში". არის მსოფლიოს 2014 წლის ჩემპიონი. გერმანიის ნაკრების მაისურით ჩაატარა 44 მატჩი და გაიტანა 2 გოლი.

2593
მკითხველის კომენტარები / 0 /
მსგავსი ამბები
რუბრიკის სხვა სიახლეები
;