მოურინიომ ოქროს ბურთის  პრეტენდენტები დაასახელა...

პორტუგალიელმა სპეციალისტმა ჟოზე მოურინიომ დაასახელა ფავორიტები “ოქროს ბურთისთვის” ბრძოლაში.

“ოქროს ბურთის” პრეტენდენტები? მე გამოვყოფდი ვირჯილ ვან დეიკს, მოჰამედ სალაჰს, სადიო მანეს, კრიშტიანო რონალდოსა და ლიონელ მესის. მაგრამ მიმაჩნია, რომ ყველაფერი შეიძლება შეიცვალოს. წინ გველოდება ერთა ლიგა, აფრიკის ერთა თასი და კოპა ამერიკა. ასე რომ, ჯერ ნაადრევია დასკვნების გაკეთება”, - მოჰყავს მოურინიოს სიტყვები RT-ს.

შეგახსენებთ, რომ 2018 წელს “ოქროს ბურთი” მიიღო “რეალის” ნახევარმცველმა ლუკა მოდრიჩმა. პორტუგალიელმა სპეციალისტმა თავის სამომავლო მიზნებზეც ილაპარაკა.

“მოვიგო ჩემპიონატი მეხუთე ქვეყანაში ან გავიმარჯვო ჩემპიონთა ლიგაზე მესამე კლუბთან ერთად, - ამბობს პორტუგალიელი. - მაგრამ მე მხოლოდ ამაზე არ ვფიქრობ. მინდა მივიღო პროექტი, სადაც არა მხოლოდ მოგებული, არამედ ბედნიერიც ვიქნები. თუ მოვა წინადადება კლუბისგან, სადაც ვერ ვიქნები ბედნიერი, არ დავთანხმდები. დავიმსახურე უფლება თავად გადავწყვიტო - სად ვიმუშაო. აბსოლუტურად მშვიდად ვარ. თუ ეს დღეს არ მოხდება, მაშინ მოხდება მოგვიანებით”.

56 წლის სპეციალისტის ბოლო სამუშაო ადგილი “მანჩესტერ იუნაიტედი” იყო. მან გაიმარჯვა პორტუგალიის, ინგლისის, იტალიისა და ესპანეთის ჩემპიონატებში. ორჯერ მოიგო ჩემპიონთა ლიგა “პორტუსთან” და “ინტერთან” ერთად.

ყოველდღიური სპორტული გაზეთი "ლელო"
808
მკითხველის კომენტარები / 0 /
მსგავსი ამბები
რუბრიკის სხვა სიახლეები
;