მოურინიო: მე ვარ მონსტრი!

მარკუს რაშფორდზე საუბრისას, ჟოზე მოურინიომ საკუთარ თავს, არც მეტი, არც ნაკლები, "მონსტრი" უწოდა.

"თავის დროზე, რაშფორდმა თამაში დაიწყო ვან გაალის ხელში. მაშინ გუნდში იყო აშკარა პრობლემები და მარკუსის თამაშმა გუნდი საგრძნობლად გააძლიერა.

მერე "მანჩესტერში" მოვიდა ახალი მწვრთნელი, მოვიდა მონსტრი, რომელმაც "მოკლა" პატარა ბიჭები, მაგრამ ამავე დროს ყურადღებით დააკვირდა რაშფორდის თამაშს.

მის ხელში რაშფორდი სულ თამაშობს. ხან ძირითადშია, ხან სათადარიგოთა სკამიდან ერთვება თამაშში... ფაქტია, რომ ის გუნდისთვის ძალიან მნიშვნელოვანი ფეხბურთელია. თუ ასე გააგრძელებს, აუცილებლად მიიღებს ადგილს ინგლისის ეროვნულ ნაკრებში.

სხვებთან შედარებით პატარაა ასაკით, მაგრამ უკვე დაუგროვდა ძალიან დიდი გამოცდილება. მას ელის დიდი მომავალი და მე ამაში ეჭვი არ მეპარება.

მჯერა, რომ მას კიდევ შეუძლია მომატება და ის ამას აუცილებლად გააკეთებს. ჩვენ ბოლომდე უნდა ავამოქმედოთ ის რეზერვი, რომელიც არის მის თამაშში", - თქვა მოურინიომ.

ყოველდღიური სპორტული გაზეთი "ლელო"
1861
მკითხველის კომენტარები / 0 /
მსგავსი ამბები
რუბრიკის სხვა სიახლეები
;