მოფარიკავეთა ევროპის ჩემპიონატი: ოცდაათეულშიც ვერ შევიდნენ

გერმანულ დიუსელდორფში გუშინ დაიწყო მოფარიკავეთა ევროპის ჩემპიონატი 49 ქვეყნის 450-ზე მეტი სპორტსმენის მონაწილეობით. საფარიკაო ბილიკებზე რაპირისტი ვაჟები და მოხმალავე ქალები გავიდნენ. შეჯიბრებაში ხუთი ჩვენებურიც ჩაება.

რაპირაში ძალებს ცდიდა 78 მუშკეტერი, მათ შორის ორი ქართველი. ლუკა ღაღანიძემ და ლაშა გალუაშვილმა ჯგუფში მხოლოდ ორ-ორი შეხვედრა მოიგეს. 

ლუკა ღაღანიძე: ბენჯამინ ბოდო (რუმინეთი, 5:1), ტიმურ საფინი (რუსეთი, ევროპის 2016 წლის ჩემპიონი, 1:5), მაქსიმ პოტიე (საფრანგეთი, 3:5), პეტარ ფილესი (ხორვატია, 2:5), რობერტ მური (პორტუგალია, 5:0).

ლაშა გალუაშვილი: ალექსანდერ ჩუპენიტჩი (ჩეხეთი, ევროპის 2018 წლის ბრინჯაოს პრიზიორი, 5:4), ჯეიმს-ენდრიუ დევისი (დიდი ბრიტანეთი, ევროპის 2014 წლის ჩემპიონი, 2:5), სედრიკ სერი (სლოვაკეთი, 4:5), მაორ ჰატოელი (ისრაელი, 5:1), ელიშა იუნო (ჰოლანდია, 3:5).

პლეი ოფის პირველ წრეში გალუაშვილმა ტამაშ მესაროში (უნგრეთი) დაამარცხა - 15:8, მაგრამ მერე ჩუპენიტჩისთან წააგო - 14:15 და 31-ე ადგილზე გავიდა. 45-ე იყო ღაღანიძე, რომელსაც უკრაინელმა ანდრიი პოგრებნიაკმა აჯობა - 15:13. 

კვარცხლბეკზე ავიდნენ: 1. ალესიო ფოკონი, 2. დანიელე გაროზო (ორივე - იტალია), 3. ენზო ლეფო (საფრანგეთი), ალექსეი ჩერემისინოვი (რუსეთი). 
გუშინ დღის მეორე ნახევარში ასპარეზი მოხმალავე ქალებს დაეთმოთ. საქართველოდან გამოდიოდნენ ევროპის ექსჩემპიონი თეოდორა კახიანი, ლიკა ჯიჯეიშვილი და დარია ანტონოვა. 

33-ე ადგილი. ლიკა ჯიჯეიშვილი: ანა-სოფი კინდლერი (გერმანია, 5:3), ოლგა ხარლანი (უკრაინა, მსოფლიოს სამგზის და ევროპის ხუთგზის ჩემპიონი, 4:5), შარლოტ ლემბახი (საფრანგეთი, 4:5), ლაია ვილია (ესპანეთი, 4:5), კეიტ დაიკინი (დიდი ბრიტანეთი, 5:2), მარია მატეი (რუმინეთი, 5:4). პლეი ოფი: მარტა პუდა (პოლონეთი) - 9:15. 

44. დარია ანტონოვა - სოფია პოზდნიაკოვა (რუსეთი, მსოფლიოს 2018 წლის ჩემპიონი, 4:5), ლუსია მარტინ-პორტუგეზი (ესპანეთი, 4:5), ანა ლიმბახი (გერმანია, 5:3), ოლგა ჰრამოვა (ბულგარეთი, 2:5), იულია მიკულიკი (უნგრეთი, 2:5), კლარა ჰანზლიკოვა (ჩეხეთი, 5:0); პლეი ოფი: ოლენა ვორონინა (უკრაინა) - 10:15. 

47. თეოდორა კახიანი - ლიზა პუშტაი (უნგრეთი, ევროპის 2017 წლის ბრინჯაოს პრიზიორი, 1:5), კეროლინ ქეროლი (საფრანგეთი, 4:5), ანჟელიკა ვატორი (პოლონეთი, 5:1), დენიზ სელინ უნლუდაგი (თურქეთი, 3:5), ანდრეა ლუპუ (რუმინეთი, 3:5), ნატალია ბუგაევსკი (მოლდოვა, 5:4); პლეი ოფი: სილვია მატუშაკი (პოლონეთი) - 14:15.

საპრიზო ადგილები ასე განაწილდა: 1. ოლგა ხარლანი (უკრაინა), 2. მანონ ბრუნე (საფრანგეთი), 3. ანა მარტონი (უნგრეთი), სოფია ველიკაია (რუსეთი). 
მოხმალავე ვაჟები (სანდრო და ბექა ბაზაძეები, მიხეილ მარდალეიშვილი, ნიკა შენგელია) 19 ივნისს იასპარეზებენ.

ყოველდღიური სპორტული გაზეთი "ლელო"
182
მკითხველის კომენტარები / 0 /
მსგავსი ამბები
რუბრიკის სხვა სიახლეები
;