მოფარიკავეთა მსოფლიოს ჩემპიონატი: ორი ქართველი მედლებისთვის იბრძვის 

უნგრეთის დედაქალაქში გუშინ დაიწყო მოფარიკავეთა მსოფლიოს ჩემპიონატი, რომელშიც საასპარეზოდ საქართველოს 10 წარმომადგენელი გაემგზავრა. ტურნირის პირველ დღეს საფარიკაო ბილიკებზე გავიდნენ მოხმალავე ვაჟები და დაშნით მოფარიკავე ქალები. 

მოხმალავე ვაჟთა ჯგუფურ ტურნირში არ მონაწილეობდა ევროპის სამგზის ბრინჯაოს პრიზიორი სანდრო ბაზაძე, რომელიც FIE-ს რეიტინგში მე-13 ადგილზეა და პირდაპირ პლეი ოფში 18 ივლისს ჩაებმება. პირველ შეხვედრას აარონ ზი ლონგ ჰოსთან (ჰონკონგი) გამართავს. დანარჩენმა სამმა ქართველმა გუშინ მოსინჯა ძალები. ჯგუფურ ეტაპზე განსაკუთრებით მიხეილ მარდალეიშვილმა და ბექა ბაზაძემ გამოიჩინეს თავი, რომლებმაც ხუთ-ხუთ მეტოქეს სძლიეს და მხოლოდ თითო პაექრობა დათმეს, ნიკა შენგელიამ კი ხუთიდან მხოლოდ ორ მოწინააღმდეგესთან მიაღწია წარმატებას. 

მარდალეიშვილმა პლეი ოფის პირველი შეხვედრაც მოიგო და მედლებისთვის ბრძოლას განაგრძობს. 18 ივლისს პირველ მეტოქედ სახელოვანი უნგრელი მოხმალავე ანდრაშ სატმარი ეყოლება. ბექამ და ნიკამ ერთეულებში ასპარეზბა დაასრულეს. 

მიხეილ მარდალეიშვილი: გიბრან ზეა (მექსიკა, 2:5), კლაივ იანგ ლეუ (სინგაპური, 5:3), ანდრეი იაგოდკა (უკრაინა, 5:3), არნე დე რიდერი (ბელგია, 5:1), პანჩო პაშკოვი (ბულგარეთი, 5:3), ჰაკან ილდირიმი (თურქეთი, 5:1); პლეი ოფი: მოჰაბ სამერი (ეგვიპტე) - 15:10.

ბექა ბაზაძე: ბენედიქტ ვაგნერი (გერმანია, 3:5), ოლექსეი სტაცენკო (უკრაინა, 5:3), კირილ კირპიჩოუ (ბელარუსი, 5:4), ალექსანდრ დუგლასი (ავსტრია, 5:2), ჰამიშ ბალმერი (ახალი ზელანდია, 5:1), იან დოლეზალი (ჩეხეთი, 5:3); პლეი ოფი: ფარეს არფა (კანადა) - 13:15.

ნიკა შენგელია: კონსტანტინ ლოხანოვი (რუსეთი, 2:5), ტანჰ ან ვუ (ვიეტნამი, 3:5), რაფაელ ვესტერნ რეიესი (პუერტო-რიკო, 5:4), ფრანჩესკო დე რობიო (ხორვატია, 5:2), მარიო ალბერტო პალასიოს მურილიო (კოლუმბია, 2:5). პლეი ოფი: ელისერ რომერო (ვენესუელა) - 15:6, ენვერ ილდირიმი (თურქეთი) - 13:15.

დაშნით მოფარიკავე ქალთა შეჯიბრებაში (189 მონაწილე) ძალებს ცდიდა მაია გუჩმაზოვა. ჯგუფურ ეტაპზე მან სამი მეტოქე დაამარცხა და ამდენივე ორთაბრძოლა დათმო: კინგა ნადი (უნგრეთი, 5:1), კატერინა დოშკოვა (ჩეხეთი, 5:4), ლინ ალკუბი (იორდანია, 5:2), ალექსანდრა ზამაჩოვსკა (პოლონეთი, 2:5), მალიკა ხაკიმოვა (უზბეკეთი, 4:5), ალექსან ვერეტი (კანადა, 1:5); პლეი ოფი: ბიანკა ბენეა (რუმინეთი) - 11:15. გუჩმაზოვამ საბოლოოდ 122-ე ადგილი დაიკავა.

ყოველდღიური სპორტული გაზეთი "ლელო"
372
მკითხველის კომენტარები / 0 /
მსგავსი ამბები
რუბრიკის სხვა სიახლეები
;