სოლსკიაერის შემდეგ პოჩეტინო, მაგრამ... ძალიან ძვირია

ცნობილია, "მანჩესტერ იუნაიტედს" სეზონის ბოლომდე ოლე გუნარ სოლსკიაერი გაწვრთნის. ასეთია ხელშეკრულების პირობა, მაგრამ ვინ იქნება სრულუფლებიანი მწვრთნელი მომავალი სეზონიდან. ისეთი დიდი კლუბი, რომელზეც ახლა ვლაპარაკობთ, მსგავსი საკითხების მოგვარებას ახლავე უნდა იწყებდეს, ყოველ შემთხვევაში, ნიადაგს მაინც სინჯავდეს.

"იუნაიტედმაც" უკვე მოსინჯა ნიადაგი. "დეილი მეილი" გვარწმუნებს, რომ "წითელი ეშმაკების" ვიცე-თავმჯდომარე ედ ვუდვორდმა, რომელიც კლუბის ფაქტობრივი მმართველია, უკვე მოიკითხა მაურისიო პოჩეტინოს კონტრაქტის დეტალები. ამას წლის მაისში არგენტინელმა სპეციალისტმა "ტოტენჰემთან" ბედი კიდევ 5 წლით დაუკავშირა.

"ტოტენჰემის" ბოსი დენიელ ლევი მომხრეა იმის, რომ 46 წლის პოჩეტინომ ბოლომდე მიიყვანოს საკონტრაქტო ვალდებულებები. მაგრამ საქმე შეიძლება სრული კომპენსაციითაც მოგვარდეს. პოჩეტინო "მამლებში" წლიურად 8.5 მილიონ ფუნტს იღებს. "დეილი მეილი" სანდო წყაროზე დაყრდონობით წერს, რომ ლევი ყველა ვარიანტში სრულ კომპენსაციას მოითხოვეს, თუკი პოჩეტინო "მანჩესტერში" წასვლას გადაწყვეტს.

"მანჩესტერს" კი, როგორც იგივე სანდო წყარო უმხელს პოპულარულ გამოცემას, სამწვრთნელო კანდიდატთა სიაში პირველი სწორედ "ტოტენჰემის" დღევანდელი თავკაცი ჰყავს მონიშნული. ხოლო რაც შეეხება სრულ კომპენსაციას, დღევანდელი ვითარებით ის 34 მილიონ ფუნტს შეადგენს.

რა გამოდის? იქით ჟოზე მოურინიოსთვის გადასახდელი 22.5 მილიონი ფუნტი, აქეთ - პოჩეტინოს გამოსასყიდი 34 მილიონი. ძნელი წარმოსადგენია, "იუნაიტედმა" ამ ორ ოპერაციაში ამდენი ფული დახარჯოს. ის ან შეთანხმებას მიაღწევს მხარეებთან და მნიშვნელოვნად დასწევს გასაცემ თანხას, ან უარს იტყვის ძვირად ღირებულ პოჩეტინოზე მაინც და უფრო "მუქთად" შეარჩევს ახალ მწვრთნელს. 

710
მკითხველის კომენტარები / 1 /
.....
0
დამნიშნეთ მე კონპესაცის გადსხდა არ დაგჭირდებათ თუნდაც ნახევარი სეზონი გაჩვენებთ კლასს
მსგავსი ამბები
რუბრიკის სხვა სიახლეები
;