მსოფლიოსთვის თავისუფლების სია ცნობილია

საქართველოს თავისუფალი სტილით მოჭიდავეთა ნაკრები 20-28 ოქტომბერს ბუდაპეშტში გასამართავი მსოფლიოს ჩემპიონატისთვის მოსამზადებელ დასკვნით შეკრებას დუშეთში გადის, სადაც მათთან ერთად შეკრებაზე აშშ-ის ნაკრების 4 წევრი და 1 კოლუმბიელი ფალავანიც იმყოფება.

პარასკევს ნაკრების მთავარმა მწვრთნელმა გიორგი იანტბელიძემ საკონტროლო შეხვედრები გამართა და დაასახელა კიდეც უნგრეთში წამსვლელი შემადგენლობა, რომელსაც ქვემოთ იხილავთ. ეს გუნდი მსოფლიოს ჩემპიონატზე 17 ოქტომბერს გაფრინდება.

რაც შეეხებათ ბერძნულ-რომაული სტილით მოჭიდავეებს, მათი ხელმძღვანელობა ამ კვირაში გეგმავს საკონტროლო შეხვედრებს, ამის შემდეგ კი ბექა როყვაც დაასახელებს ბუდაპეშტში წასაყვან ფალავნებს.

"ჩვენი ნაკრები უძლიერესი შემადგენლობით გამოვა ამ მნიშვნელოვან ღონისძიებაზე. გუნდის შემადგენლობას თუ გადავხედავთ, თითქმის ყველა ევროპისა და მსოფლიოს ჩემპიონატის მედალოსანია.

გავიარეთ შეკრებები და ყველაფერი გავაკეთეთ, რომ ღირსეულად გამოვიდეთ მსოფლიოს ჩემპიონატზე. თუ არ ჩავთვლით მცირეოდენ ტრავმებს, გუნდი მზადაა ტურნირისთვის და ჩვენი სპორტსმენები ყველაფერს გააკეთებენ იმისათვის, რომ თავიანთი სიძლიერე მსოფლიოს ჩემპიონატზე დაამტკიცონ" - აცხადებს გუნდის თავკაცი გიორგი იანტბელიძე.

საქართველოს ნაკრები
57 კგ: ოთარ გოგავა (ხონი)
61 კგ: ბექა ლომთაძე (ქუთაისი)
65 კგ: ვლადიმერ ხინჩეგაშვილი (გორი)
70 კგ: ზურაბ იაკობიშვილი (ყვარელი)
74 კგ: ავთანდილ კენჭაძე (ამბროლაური)
79 კგ: დავით ხუციშვილი (საგარეჯო)
86 კგ: სანდრო ამინაშვილი (თბილისი)
92 კგ: დავით მარსაგიშვილი (ყაზბეგი)
97 კგ: ელიზბარ ოდიკაძე (თბილისი)
125 კგ: გენო პეტრიაშვილი (გორი)

ყოველდღიური სპორტული გაზეთი "ლელო"
1772
მკითხველის კომენტარები / 0 /
მსგავსი ამბები
რუბრიკის სხვა სიახლეები
;