მსოფლიოს ახალგაზრდული ჩემპიონატი: ზაგრებში წილი ნაყარია

დღეს ხორვატიის დედაქალაქ ზაგრებში იწყება მსოფლიოს ახალგაზრდული ჩემპიონატი ძიუდოში, რომელიც 22 ოქტომბრამდე გაგრძელდება. გუშინ გაიმართა კენჭისყრა და დალაგდა ბადეები სხვადასხვა წონით კატეგორიებში. ვნახოთ ლაშა გუჯეჯიანის გუნდში ჩვენებურთა მეტოქეები...

ვაჟები

55 კგ
ვანო ნინიაშვილი ამერიკელ მაქს ანტონიუს შეხვდება. ამავე წონაში ჯაბა პაპინაშვილის მეტოქე ფრანგი ტეო რაულ ერარდი იქნება. წარმატების შემთხვევაში ქართველები ფინალამდე ერთმანეთს არ შეხვდებიან.

66 კგ
ვინაიდან 60 კილოში მონაწილე არა გვყავს, გადავიდეთ შემდეგ წონაზე. 66-ში ბაგრატ ნინიაშვილი პირველ წრეში ისვენებს, მეორეში კი ან ამერიკელ კოულ ჩანდლერს შეხვდება, ანაც კოლუმბიელ ხორხე გონსალესს.

73 კგ
ტატო გრიგალაშვილი პირველ წრეში შვეიცარიელ ნაიმ მატს ეჭიდავება.

81 კგ
ამ წონაში ორი მონაწილე გვყავს - ლუკა მაისურაძე თავიდან კუბელ იასელ დიასს ხვდება, ხოლო ტრისტან მოსახლიშვილის მეტოქე ლიბანელი ანდრეას მეჩლებია.

90 კგ
იმედა გოგოლაძე უზბეკ მუხამბადკარიმ ხურამოვს ხვდება, თუ მოუგო, უკრაინელ მიკიტა მატლაშევსკის დაეჭიდება. გიორგი ჩიქოვანმა ლიხტენშტაინელ რაფაელ შვენდინგერს უნდა მოუგოს, რომ დომინიკელ რობერტ ფლორენტინოს შეხვდეს მეორე წრეში.

100 კგ
ონისე სანებლიძის მეტოქე რუსი არმან ადამიანია.

+100 კგ
ამ წონაში ტრავმის გამო ამირან წიქოძე დაგვაკლდა. გელა ზაალიშვილი კი გერმანელ ერიკ აბრამოვს ხვდება.

გოგონები
57 კგ
ეთერ ლიპარტელიანი პირველი წრისგან თავისუფალია, მეორეში კი ამერიკელ კატერინ ლაიბის ხვდება.

63 კგ
მარიამ ჭანტურიას პირველი მეტოქე მონღოლი სარუულ ოტგონბაიარია, ეს მეორე წრის შეხვედრაა.

+78 კგ
სოფო სომხიშვილის მეტოქე ბოსნიელი ბარბარა ჩიკიჩია. თუ ქართველი გაიმარჯვებს, მეორე წრეში ჩილელ ხოსეფინა ფუენტეალბას გადაეყრება.

ყოველდღიური სპორტული გაზეთი "ლელო"

470
მკითხველის კომენტარები / 0 /
მსგავსი ამბები
რუბრიკის სხვა სიახლეები