მსოფლიოს თასი. ბორჯღალოსნების მეტოქე - უელსელები მზადებას კარდიფში დაიწყებენ

საქართველოს ნაკრები წლეულს იაპონიაში გასამართ მსოფლიოს თასზე პირველ შეხვედრას 23 სექტემბერს უელსის ნაკრებთან გამართავს.

„წითელი ურჩხულების“ მთავარმა მწვრთნელმა, ახალზელანდიელმა უორენ გეთლენდმა უკვე დაასახელა იმ 42 მორაგბის ვინაობა, რომლებიც მსოფლიოს თასისთვის მზადების პროცესში მიიღებენ მონაწილეობას. აქედან იაპონიისთვის გეთლენდმა 31 მორაგბე უნდა აირჩიოს. 

უელსელები მზადებას ივნისის შუა რიცხვებიდან კარდიფში დაიწყებენ და სამშობლოში თვის ბოლომდე დარჩებიან. ამის შემდეგ „წითელი ურჩხულები“ შვეიცარიის ალპებში გაემგზავრებიან და იქ აგვისტომდე დარჩებიან. 

11 და 17 აგვისტოს ჩვენი მომავალი მეტოქე ინგლისის ნაკრებს დაუპირისპირდება შინ და გარეთ. მეორე მატჩის შემდეგ უელსის ნაკრები თურქეთში გაემგზავრება, სადაც გლორია სპორტს არენაზე განაგრძობს მზადებას. ათდღიანი მზადების შემდეგ გუნდი ისევ უელსში დაბრუნდება და ორ მატჩს გამართავს ირლანდიის ნაკრებთან. 31 აგვისტოს, „სამყურებთან“ მატჩის შემდეგ მსოფლიოს თასზე წამსვლელ 31-კაციან შემადგენლობას დაასახელებს. 

აღსანიშნავია, რომ გამოძახებულთა შორის მსოფლიოს თასზე ასპარეზობის გამოცდილება 18 მორაგბეს აქვს. ყველაზე ღვაწლმოსილი გუნდის კაპიტანი ალან ვინ ჯოუნზია, რომელმაც 125 კეპს მოუყარა თავი და მსოფლიოს სამ თასზე იასპარეზა - 2007, 2011 და 2015 წლებში. ორ-ორ მსოფლიოზე უთამაშიათ: ჯორჯ ნორსს, ტაულუპე ფალეტაუსა და კენ ოუენზსს. 

შეგახსენებთ, რომ უელსის ნაკრებთან საქართველოს ნაკრებს მხოლოდ ერთხელ უთამაშია. 2017 წლის ნოემბრის ტესტებზე კარდიფში, პრინციპალიტი სტედიუმზე „წითელმა ურჩხულებმა“ 13:6 მოიგეს. 

უელსი

შერკინება: ლეონ ბრაუნი (ნიუპორტი, 5კეპი), რის კერი (კარდიფი, დებ.), რობ ევანსი (ჰლანეჰლი, 35კეპი), ტომას ფრენსისი (ექსეტერი, 40კეპი), ვინ ჯოუნსი (ჰლანეჰლი, 12კეპი), სამსონ ლი (ჰლანეჰლი, 40კეპი), დილონ ლუისი (კარდიფი 12კეპი), ნიკი სმითი (ოსფრიზი, 28კეპი), ელიოტ დი (ნიუპორტი, 18კეპი), რაიან ელიასი (ჰლანეჰლი, 7კეპი), კენ ოუენსი (ჰლანეჰლი, 64კეპი), ჯეკ ბეილი (ჰლანეჰლი, 32კეპი), ადამ ბირდი (ოსფრიზი, 13კეპი), ბრედლი დევისი (ოსფრიზი, 64კეპი), კორი ჰილი (ნიუპორტი, 24კეპი), ალან ვინ ჯოუნზი (ოსფრიზი, 125კეპი), ჯეიმს დევისი (ჰლანეჰლი, 3კეპი), ტაულუპე ფალეტაუ (ბასი, 72კეპი), როსს მორიატი (ნიუპორტი, 31კეპი), ჯოშ ნავიდი (კარდიფი, 16კეპი), აარონ შინგლერი (ჰლანეჰლი, 17კეპი), ჯასტინ ტიპურიკი (ოსფრიზი, 64კეპი), აარონ ვაინვრაისი (ნიუპორტი, 8კაპი). 

უკანა ხაზი: ალედ დევისი (ოსფრიზი, 16კეპი), გარეთ დევისი (ჰლანეჰლი, 41კეპი), ტომას ვილიამსი (კარდიფი, 7კეპი), გარეთ ენსკომბი (კარდიფი, 26კეპი), დენ ბიგარი (ნორსჰემპთონი, 70კეპი), ჯარედ ევანსი (კარდიფი, 1კეპი), რის პეტჩელი (ჰლანეჰლი, 11კეპი), ჯონათან დევისი (ჰლანეჰლი, 73კეპი), ჰადლი პარქსი (ჰლანეჰლი, 15კეპი), ოუენ ვოტკინი (ოსფრისი, 13კეპი), სკოტ ვილიამსი (ოსფრიზი, 57კეპი), ჯოშ ადამსი (ვორსტერი, 10კეპი), ჰალამ ამოსი (ნიუპორტი, 18კეპი), სტეფ ევანსი (ჰლანეჰლი, 12კეპი), ლი ჰალპფენი (ჰლანეჰლი, 81კეპი), ოუენ ლეინი (ჰლანეჰლი, დებ.), ჯორჯ ნორსი (ოსფრიზი, 83კეპი), ჯომ ჰოლმსი (ლესტერ ტაიგერსი, 2კეპი), ლიამ ვილიამსი (სარასენზი, 55კეპი). 

ყოველდღიური სპორტული გაზეთი "ლელო"
665
მკითხველის კომენტარები / 0 /
რუბრიკის სხვა სიახლეები
;