მსოფლიოს თასი 2019. ილიას ზუროსმა ავსტრიასა და გერმანიისთვის 18 კაცი დაასახელა

საქართველოს ეროვნული ნაკრები მსოფლიოს ჩემპიონატის საკვალიფიკაციო ეტაპის მატჩებისთვის იკრიბება. ილიას ზუროსმა 18 კანდიდატი გამოიძახა, რომელთაგანაც 23 და 25 თებერვლის მატჩებისთვის 12 კალათბურელს შეარჩევს.

ჩინეთში 2019 წელს გასამართი მუნდიალის საკვალიფიკაციო ტურნირის მატჩებს საქართველოს ეროვნული ნაკრები 23 თებერვლას ავსტრიაში გამართავს, ხოლო 25-ში გერმანიას თბილისში უმასპინძლებს.

ილიას ზუროსმა ნაკრებში 2 ახალ კანდიდატს უხმო: "რუსთავის" სნაიპერი რეზო ჩაჩანიძე და "ქუთაისის" ფორვარდი აკაკი ლომოური ეროვნულ გუნდში პირველად გამოიძახეს. ჩაჩანიძე მიმდინარე სუპერლიგის ერთ-ერთი საუკეთესო მსროლელია და 3 თებერვალს ქუთაისში გამართულ ოლ-სტარში სამქულიანების კონკურსიც მოიგო. ლომოური კი სტაბილურად - შედეგიანად თამაშიბს სუპერლიგის ლიდერ "ქუთაისის" შემადგენლობაში.

ფიბა-სა და ევროლიგის შეუთანხმებლობის გამო ნაკრებს კვლავ ვერ დაეხმარებიან გიორგი შერმადინი და თორნიკე შენგელია, ხოლო დუდა სანაძესა და ბექა ბურჯანაძეს კვლავ ტრავმა აწუხებთ. ტრავმა მოირჩინა და ნაკრებს დაუბრუნდა ძირითადი გამთამაშებელი გიორგი ცინცაძე, რომელიც ფორმაში არ გახლავთ, თუმცა ზუროსს მისი ეიმედება და მასთან კონსულტაციის შემდეგ ნაკრებში გამოიძახა.

ეროვნული ნაკრების სამწვრთნელო შტაბი ახალი წევრით შეივსო. მთავარი მწვრთნელის, ილიას ზუროსის კიდევ ერთი ასისტენტი იქნება კლუბ მარნეულის "დელტას" მთავარი მწვრთნელი, თემურ კანკია. მასთან ერთად ზუროსის ასისტენტები იქნებიან გეორგიოს ლიმნაიტისი, რევაზ როგავა, ტიჰომირ ბუიანი და მილოშ გლიგორიევიჩი.

საქართველოს ეროვნული გუნდი ვარჯიშებს 18 თებერვალს, სპორტის სასახლეში დაიწყებს. სამდღიანი ვარჯიშების შემდეგ მთავარი მწვრთნელი გუნდის ძირითად 12 მოთამაშეს დაასახელებს და 21 თებერვალს ნაკრები ავსტრიაში გაემგზავრება. მსოფლიო ჩემპიონატის საკვალიფიკაციო მატჩი ავსტრიისა და საქართველოს შორის ვენაში, 23 თებერვალს, თბილისის დროით 21:00 საათზე გაიმართება.

საქართველოს ნაკრები ავსტრიიდან იმავე ღამეს დაბრუნდება და გერმანიასთან, 25 თებერვალს გასამართი მატჩისთის მზადებას თბილისის სპორტის სასახლეში განაგრძობს.

საქართველოს ნაკრები

გიორგი ცინცაძე პოლიტექნიკა (რუმინეთი)

გოგა ბითაძე მეგა ბიმაქსი ( სერბეთი)

ნიკა ცქიტიშვილი ბიბლოსი (ლიბანი)

მაიკლ დიქსონი ბაჰჩეშეჰირი (თურქეთი)

ანატოლი ბოისა კაკტუსი

ილია ლონდარიძე დინამო

მიხეილ ბერიშვილი დინამო

ლევან ფაცაცია მარნეული

რევაზ ჩაჩანიძე რუსთავი

ბექა წივწივაძე ქუთაისი

აკაკი დვალიშვილი ქუთაისი

აკაკი ლომოური ქუთაისი

ბექა ბექაური ქუთაისი

რევაზ როგავა ოლიმპი

მერაბ ბოქოლიშვილი ოლიმპი

გეგი ბაქრაძე ოლიმპი

ნიკა დარბაიძე ოლიმპი

ოთარ ფხაკაძე მგზავრები

2415
მკითხველის კომენტარები / 1 /
jabari
0
მე მგონია ამ ნაკრებით შანსი ძალიან ცოტა გვაქვს...მაგრამ მაინც წინ ბიჭებო...
მსგავსი ამბები
რუბრიკის სხვა სიახლეები
;