მსოფლიოს სამგზის ჩემპიონი გენო პეტრიაშვილი: ახლა, ჩვენი მთავარი მოწინააღმდეგე ვირუსია... უნდა დავამარცხოთ!

თავისუფალ ჭიდაობაში მსოფლიოს ზედიზედ სამგზის ჩემპიონი გენო პეტრიაშვილი (125) ტოკიოს ოლიმპიადის ერთ-ერთი მთავარი ფავორიტია. ოლიმპიადის გადავადებით ეს ფუნქცია არ იცვლება - ის გაისადაც ფავორიტი იქნება. უბრალოდ, არაა გამორიცხული, გაისამდე იქნებ ვინმე კიდევ წამოიზარდოს კონკურენტთაგან საშიში, ახლა კი უკვე იცოდა, ვინ იქნებოდა ტოკიოში მისი მთავარი კონკურენტი. თან ფსიქოლოგიური ფაქტორიც გასათვალისწინებელია - უკვე მზადების პიკზე გადიოდა, ახლა კი ერთი წლით უნდა გაიხანგრძლივოს ოლიმპიადაზე ფიქრი...

- რა თქმა უნდა, მერჩივნა, ახლა ჩატარებულიყო, რადგან დაწყებული მქონდა მიზანმიმართული მომზადება კონკრეტულად ამ ტურნირისთვის და მთელი დატვირთვით ვემზადებოდი, თუმცა რადგან ასე გადაწყვიტეს, ეტყობა ასე იყო საჭირო სპორტსმენთა უსაფრთხოებიდან გამომდინარე. მოვემზადებით ახალი წლისთვის - ახალი შემართებით, ახალი განწყობით და ახალი იმედებით. მოსამზადებლად დრო საკმარისია. ახლა მთავარია, ეს ვირუსი დავამარცხოთ, რათა ოლიმპიადაზე მაყურებელიც, სპორტსმენიც და ყველა დაზღვეული ვიყოთ. მანამდე ვვარჯიშობ, როგორც შეიძლება - გავდივართ სადმე მთაში, ტყეში, სუფთა ჰაერზე, სადაც მარტო ვიქნებით, და იქ ვახერხებთ ვარჯიშს, თორემ სპორტული დარბაზები დაკეტილია. ფორმიდან რომ ამოვვარდეთ, ხან ველოსიპედით დავდივართ, ხან - აღმართებში და ასე...

როგორ შეხვდა ოლიმპიური ჩემპიონი და ტოკიო 2020-ის ლიცენზიანტი ნინო სალუქვაძე ოლიმპიადის გადატანას?

3488
მკითხველის კომენტარები / 0 /
მსგავსი ამბები
რუბრიკის სხვა სიახლეები
;