მსოფლიოს ჩემპიონატების ყველა დროის საუკეთესოა... ალსიდეს გიჯა

ფეხბურთის საერთაშორისო ფედერაციამ საკუთარ ვებგვერდზე სრულფასოვანი გამოკითხა-ტურნირი ჩაატარა მსოფლიოს ჩემპიონატების ისტორიაში საუკეთესო ფეხბურთელის გამოსავლენად.

საბოლოო შედეგი ძალიან მოულოდნელი აღმოჩნდა: გაიმარჯვა ლეგენდარულმა ფორვარდმა ალსიდეს ედგარდო გიჯამ, რომელმაც 1950 წლის მუნდიალზე ურუგვაი სენსაციურ ოქრომდე მიიყვანა.

ფინალამდე გიჯამ ისეთ ლეგენდებს მოუგო, როგორებიც არიან - ოლივერ კანი, პელე, იოჰან კრუიფი და რონალდო. ფინალში გულშემატკივრებმა ურუგვაელი თვით დიეგო მარადონას ამჯობინეს.

32 საუკეთესოს შორის ვერ მოხვდნენ და ტურნირში ვერ მიიღეს მონაწილეობა კრიშტიანო რონალდომ და ლიონელ მესიმ.

ალსიდეს გიჯამ მსოფლიოს 1950 წლის ჩემპიონატზე, ურუგვაისა და ბრაზილიის გადამწყვეტ მატჩში გაიტანა გამარჯვების გოლი. ის მაშინდელი მუნდიალის ერთადერთი ცოცხალი ჩემპიონი იყო და 2015 წლის 16 ივლისს გარდაიცვალა - ლეგენდარული მატჩის 65 წლისთავზე.

ყოველდღიური სპორტული გაზეთი "ლელო"
1836
მკითხველის კომენტარები / 0 /
მსგავსი ამბები
რუბრიკის სხვა სიახლეები
;