მსოფლიოს ჩემპიონი ზურაბ იაკობიშვილი: ჩვენს უკან საქართველო დგას!

22 ოქტომბერს ბუდაპეშტში, თავისუფალი სტილით მოჭიდავეთა მსოფლიოს ჩემპიონატში ყვარლელი ზურაბ იაკობიშვილიც (70) იჭიდავებს. ის მსოფლიოს მოქმედი ჩემპიონია და ამ ტიტულის დაცვას შეეცდება, თუმცა კარგად ესმის, ეს რაოდენ ძნელი იქნება.

- მსოფლიოს ჩემპიონატისთვის კარგად მოვემზადეთ, გავიარეთ შეკრებები და ყველანი მომზადებულები ვხვდებით ამ ტურნირს. მსოფლიოს ჩემპიონატში მონაწილეობა დიდი პასუხისმგებლობაა, რადგან ჩვენს უკან საქართველო დგას. ვეცდებით, რომ ჩამოვიტანოთ ოქრო და ამისთვის ყველაფერს გავაკეთებთ.
კარგად მესმის, რომ ტიტულის შენარჩუნება უფრო ძნელია და ამ რანგში ჭიდაობა მეტი პასუხისმგებლობაა. მსოფლიოს ჩემპიონი ვარ და, ალბათ, ყველა მუშაობს იმოსთვის, რომ დამამარცხოს, თუმცა მეც მომზადებული მივდივარ და ვეცდები, კიდევ ერთხელ გავიმეორო შარშანდელი მიღწევა და ისევ ჩამოვიტანო ოქროს მედალი. ჩემს მწვრთნელებთან, სამწვრთნელო შტაბთან ერთად ვიმუშავეთ სიახლეების შემოტანაზე, ახალი ილეთების დამუშავებაზე, თორემ უკვე იციან, რომ მარტო ფეხში შევდივარ. თუმცა მხოლოდ ამით ძნელია ჭიდაობა და ვეცდები, სიახლეები, უფრო მრავალფეროვანი ჭიდაობა შევთავაზო მათ.

დღეს სპორტსმნები ისე გადანაწილდნენ მსოფლიოს სხვადასხვა ქვეყნებში, რომ ვერ იტყვი, მაგალითად, სლოვაკი ან იტალიელი მხვდება და სუსტიაო. ბევრი დაღესტანელია წასული უცხოეთში და ყველასთან უნდა იჭიდაო, იოლად არავინ არაფერს არ დათმობს. ისინი ჯერ თავიანთ ქვეყნებში იგებენ შიდა ჩემპიონატებს და მერე გამოდიან მსოფლიოს პირველობაზე ანუ იქ ყველა უძლიერესი გამოდის, მსოფლიოს ჩემპიონატზე კი უკვე მათ შორის ვლინდებიან უძლიერესები.

გენო პეტრიაშვილმა დაიჩოქა, დროშას აკოცა... გამარჯვება შინდისის გმირებს მიუძღვნა! [VIDEO]

1176
მკითხველის კომენტარები / 0 /
მსგავსი ამბები
რუბრიკის სხვა სიახლეები
;