მსოფლიო ლიგის ქართული ალტერნატივა - 8+8+8 - მსოფლიო რაგბი ახალი ტურნირის დანერგვას ცდილობს

მსოფლიო რაგბი ახალი ტურნირის დანერგვას ცდილობს. ამ ორგანიზაციის მიერ შემუშავებულმა სისტემამ მსოფლიოს რაგბიში დიდი აურზაური გამოიწვია. საქართველოს რაგბის კავშირს აქვს ალტერნატიული სისტემა, რომელიც მსოფლიოს რაგბის მამებს შესთავაზა.

ქართული ვარიანტის მიხედვით, 24 ნაკრები რეიტინგის მიხედვით სამ ლიგად დაიყოფა. პირველ ლიგაში იქნება პირველი რვა საუკეთესო, მეორე ლიგაში - მე-9-მე-16 ადგილებზე მყოფი ნაკრებები, მესამეში - მე-17-24-ე ადგილებზე მყოფი ნაკრებები.

ნაკრებები სეზონს ერთ წრედ ითამაშებენ. რეგულარული სეზონი წლის დასაწყისში დაიწყება და ზაფხულის ტესტებზე დასრულდება, რის შემდეგაც პირველი ლიგის საუკეთესო ოთხეული წლის საუკეთესო ნაკრების ტიტულისთვის ნოემბრის ტესტებზე იბრძოლებს. პირველი ლიგის აუტსაიდერი ოთხეული კი მეორე ლიგის საუკეთესო ოთხეულთან ითამაშებს, რის შემდეგაც მომავალი სეზონისთვის სამივე ლიგის დაკომპლექტება მოხდება.

ცხადია, საქართველოს გარანტია არ აქვს, რომ მეორე ლიგაში თამაშისას პირველ ოთხეულში მოხვედრას მოახერხებს. მიუხედავად ამისა, ასეთი მატჩები ძალიან საჭიროა, რათა ნაკრებმა განვითარება შეძლოს. ხოლო თუ საქართველო პირველ ოთხეულში მოხვდება, პირველი დონის ოთხ საუკეთესო ნაკრებთან თამაშის საშუალება მიეცემა.

ყოველდღიური სპორტული გაზეთი "ლელო"
1888
მკითხველის კომენტარები / 0 /
მსგავსი ამბები
რუბრიკის სხვა სიახლეები
;