მუნდიალი 2018. ფინალური ეტაპის წილისყრა: აკოცა! მარადონამ პელეს აკოცა!..

მსოფლიოს ჩემპიონატის წილისყრამ გუნდები ჯგუფებში გადაანაწილა. იმთავითვე შეიძლება ითქვას, რომ ზედმეტად "რუსული წილისყრა" გამოვიდა. ეს როგორც პირდაპირი, ისე გადატანითი მნიშვნელობით.

რა თქმა უნდა, როცა ასეთ გრანდიოზულ ღონისძიებას მასპინძლობს ქვეყანა, ყოველთვის ცდილობს, წინა პლანზე წამოსწიოს ნაციონალური ელემენტები, მაგრამ, ჩვენი აზრით, რუსებს ცოტა ზედმეტი მოუვიდათ. გადატანითი მნიშვნელობით კი იმიტომ, რომ რუსეთის ნაკრებს ისეთი ჯგუფი შეხვდა, ამხანაგი პუტინი და გულშემატკივრები უკეთესს ვერც ინატრებდნენ.

რა დაგვამახსოვრდა ამ წილისყრისგან ყველაზე მეტად? ალბათ, მხოლოდ ერთადერთი კადრი, რომელიც წლებს გაუძლებს. დიეგო მარადონამ პელეს აკოცა. ალბათ, ეს ჟესტი მსოფლიოს ყველა დროის ორი გენიალური ფეხბურთელის შერიგებად უნდა ჩაითვალოს. მით უმეტეს, ისინი დიდი ხნის განმავლობაში იყვნენ უბრად...

მკითხველს, ალბათ, ნაკლებად აინტერესებს რუსული ოფიციოზის აზრი, ან თუნდაც ლარისა დოლინას სიმღერა და მთელი ეს სტანდარტული პერიპეტიები. ამიტომაც ჯობია, მეტი დრო წილისყრის შემდგომ გამოხმაურებებს დავუთმოთ. მართალია, ვერ მივიღეთ ვერც ერთი "სიკვდილის ჯგუფი", მაგრამ მსოფლიოს ჩემპიონატების ისტორიას ახსოვს არაერთი სენსაცია და გამონაკლისი, ალბათ, არც რუსული მუნდიალი იქნება.

ოსკარ ტაბარესი (ურუგვაის ნაკრების მთავარი მწვრთნელი): "ძალიან იღბლიანი წილისყრა გამოვიდა ჩვენთვის. ეს გასაგებია, მაგრამ ნებისმიერ შემთხვევაში ბოლომდე უნდა დავიხარჯოთ. სხვანაირად არაფერი გამოვა. არ გვინდა, ფავორიტის სტატუსმა მოგვადუნოს".

ფერნანდო სანტუში (პორტუგალიის ნაკრების მთავარი მწვრთნელი): "ჩვენ და ესპანელებს ყველა ფავორიტებად მიგვიჩნევს, მაგრამ ეს სტატუსი საერთოდ არაფერს ნიშნავს. თუ ზედმეტად ვირწმუნებთ საკუთარ ძალებს, დავისჯებით. ახლა ჩვენი მთავარი საფიქრალია ესპანეთთან სასტარტო შეხვედრა. მაროკომ და ირანმა დაუმარცხებლად ჩაატარეს შესარჩევი ტურნირი. ასე რომ, მათთან ხუმრობა არავითარ შემთხვევაში არ შეიძლება".

ხულენ ლოპეტეგი (ესპანეთის ნაკრების მთავარი მწვრთნელი): "ჩვენ ბევრი შრომა მოგვიწევს იმისთვის, რომ ჯგუფიდან გავიდეთ. პორტუგალიასთან სასტარტო შეხვედრა მძიმე იქნება. ამაზე ორი აზრი არ არსებობს. რაც შეეხებათ ირანს და მაროკოს, ორივე ძლიერი გუნდია. პირადად მე მაროკოს ნაკრები აფრიკის საუკეთესო გუნდად მიმაჩნია. პორტუგალია არის გამარჯვებულის მენტალიტეტის მქონე დიდი ნაკრები დიდი მწვრთნელით. მათ ჰყავთ მსოფლიოს საუკეთესო ფეხბურთელი და კიდევ არაერთი შესანიშნავი მოთამაშე. ჩემი აზრით, ესპანეთი-პორტუგალია მართლაც გამორჩეული მატჩი უნდა გამოვიდეს".

დიდიე დეშამი (საფრანგეთის ნაკრების მთავარი მწვრთნელი): "ეს მუნდიალია და აქ ფავორიტები არ არსებობენ. მიმაჩნია, რომ ხელში არაფერი გვიჭირავს და ყველაფერი ჩვენივე შრომით და ოფლით უნდა მოვიპოვოთ. ბევრმა ჩათვალა, რომ ძალიან გაგვიმართლა, მე კი დიდ ბრძოლებს ველი. ჩვენ ეტაპობრივად უნდა ვიაროთ წინ. პირველი რიგის ამოცანა ჯგუფის მოგება იქნება, მერე კი ვნახოთ"...

ხორხე სამპაოლი (არგენტინის ნაკრების მთავარი მწვრთნელი): "ალბათ, ზედმეტია ლაპარაკი ხორვატიის ნაკრების სიძლიერეზე. ეს გუნდი ინდივიდუალისტებითაა გამორჩეული - მოდრიჩი, რაკიტიჩი... ისლანდიის ძალაზეც ყველა ლაპარაკობს. ნიგერია კი ძალიან სწრაფია და კონტრშეტევებზეა მომართული".

ზლატკო დალიჩი (ხორვატიის ნაკრების მთავარი მწვრთნელი): "ამ ჯგუფს არგენტინის ნაკრების სახით გამოკვეთილი ფავორიტი ჰყავს. სამი დანარჩენი ნაკრები მეორე ადგილისთვის იბრძოლებს. ჩემი აზრით, შეგვიძლია, ეს ამოცანა წარმატებით გადავჭრათ".

ტიტე (ბრაზილიის ნაკრების მთავარი მწვრთნელი): "ჩვენ კიდევ უფრო უნდა გავაუმჯობესოთ თამაში და გავიზარდოთ. ეს ჩვენი შანსია. ნებისმიერი მოწინააღმდეგე ბოლომდე უნდა შევისწავლოთ და დავაფასოთ. ეს არის მუნდიალი და ამით ყველაფერია ნათქვამი. თვით იტალიის ნაკრებმაც კი ვერ მოახერხა აქ მოხვედრა".

იოახიმ ლიოვი (გერმანიის ნაკრების მთავარი მწვრთნელი): "ტიტულის მოპოვება უფრო რთულია, ვიდრე მისი შენარჩუნება. არადა, ჩვენი მიზანი სწორედ ეს არის. ფავორიტებს შორის ასევე დავასახელებდი ბრაზილიას, არგენტინასა და საფრანგეთს. ჩვენ ჩვენი გეგმები გვაქვს, მაგრამ ასევე აქვთ თავიანთი გეგმები სხვებსაც. ასე რომ, მძიმე ბრძოლები გველის".

გარეთ საუთგეიტი (ინგლისის ნაკრების მთავარი მწვრთნელი): "ჩვენი მიზანი ამ ჯგუფიდან გასვლაა და მიმაჩნია, რომ ეს შეგვიძლია. მეტ-ნაკლებად ყველა მეტოქეს ვიცნობთ. ტუნისი გამოცანაა, აფრიკული გუნდია და ბოლომდე უნდა შევისწავლოთ. ტუნისი რატომღაც მახსენებს მარსელს, სადაც პირველად დავიცავი ინგლისის ღირსება მსოფლიოს ჩემპიონატზე".

რობერტო მარტინესი (ბელგიის ნაკრების მთავარი მწვრთნელი): "ოც წელიწადზე მეტხანს ვიმუშავე ინგლისურ ფეხბურთში. ამ ქვეყნის ნაკრებთან შეხვედრა ჩვენთვის დიდი გამოწვევაა".

ხოსე პეკერმანი (კოლუმბიის ნაკრების მთავარი მწვრთნელი): "ძალიან საინტერესო ჯგუფია. პოლონეთი ბრუნდება მუნდიალზე და ეს ნაკრები არ არის მხოლოდ ლევანდოვსკი. იაპონიას ჰყავს გამორჩეული ინდივიდუალისტები, სენეგალში კი არაერთი ისეთი მოთამაშეა, ვინც ევროპაში გამოირჩევა".

რუსეთი 2018. მსოფლიოს ჩემპიონატის კალენდარი
ჯგუფური ეტაპი
A ჯგუფი
14 ივნისი. 19:00. მოსკოვი რუსეთი-ს. არაბეთი
15 ივნისი. 16:00. ეკატერინბურგი ეგვიპტე-ურუგვაი
19 ივნისი. 22:00. სანკტ-პეტერბურგი რუსეთი-ეგვიპტე
20 ივნისი. 19:00. როსტოვი ურუგვაი-ს. არაბეთი
25 ივნისი. 18:00. სამარა ურუგვაი-რუსეთი
25 ივნისი. 18:00. ვოლგოგრადი ს. არაბეთი-ეგვიპტე

B ჯგუფი
15 ივნისი. 19:00. სანკტ-პეტერბურგი მაროკო-ირანი
15 ივნისი. 22:00. სოჭი პორტუგალია-ესპანეთი
20 ივნისი. 16:00. მოსკოვი პორტუგალია-მაროკო
20 ივნისი. 22:00. ყაზანი ირანი-ესპანეთი
25 ივნისი. 22:00. სარანსკი ირანი-პორტუგალია
25 ივნისი. 22:00. კალინინგრადი ესპანეთი-მაროკო

C ჯგუფი
16 ივნისი. 14:00. ყაზანი საფრანგეთი-ავსტრალია
16 ივნისი. 20:00. სარანსკი პერუ-დანია
21 ივნისი. 16:00. სამარა დანია-ავსტრალია
21 ივნისი. 19:00. ეკატერინბურგი საფრანგეთი-პერუ
26 ივნისი. 18:00. მოსკოვი დანია-საფრანგეთი
26 ივნისი. 18:00. სოჭი ავსტრალია-პერუ

D ჯგუფი
16 ივნისი. 17:00. მოსკოვი არგენტინა-ისლანდია
16 ივნისი. 23:00. კალინინგრადი ხორვატია-ნიგერია
21 ივნისი. 22:00. ნიჟნი ნოვგოროდი არგენტინა-ხორვატია
22 ივნისი. 19:00. ვოლგოგრადი ნიგერია-ისლანდია
26 ივნისი. 22:00. სანკტ-პეტერბურგი ნიგერია-არგენტინა
26 ივნისი. 22:00. როსტოვი ისლანდია-ხორვატია

E ჯგუფი
17 ივნისი. 16:00. სამარა კოსტა რიკა-სერბეთი
17 ივნისი. 22:00. როსტოვი ბრაზილია-შვეიცარია
22 ივნისი. 16:00. სანკტ-პეტერბურგი ბრაზილია-კოსტა რიკა
22 ივნისი. 22:00. კალინინგრადი სერბეთი-შვეიცარია
27 ივნისი. 22:00. მოსკოვი სერბეთი-ბრაზილია
27 ივნისი. 22:00. ნიჟნი ნოვგოროდი შვეიცარია-კოსტა რიკა

F ჯგუფი
17 ივნისი. 19:00. მოსკოვი გერმანია-მექსიკა
18 ივნისი. 16:00. ნიჟნი ნოვგოროდი შვედეთი-კორეა
23 ივნისი. 19:00. როსტოვი კორეა-მექსიკა
23 ივნისი. 22:00. სოჭი გერმანია-შვედეთი
27 ივნისი. 18:00. ყაზანი კორეა-გერმანია
27 ივნისი. 18:00. ეკატერინბურგი მექსიკა-შვედეთი

G ჯგუფი
18 ივნისი. 19:00. სოჭი ბელგია-პანამა
18 ივნისი. 22:00. ვოლგოგრადი ტუნისი-ინგლისი
23 ივნისი. 16:00. მოსკოვი ბელგია-ტუნისი
24 ივნისი. 16:00. ნიჟნი ნოვგოროდი ინგლისი-პანამა
28 ივნისი. 22:00. კალინინგრადი ინგლისი-ბელგია
28 ივნისი. 22:00. სარანსკი პანამა-ტუნისი

H ჯგუფი
19 ივნისი. 16:00. სარანსკი კოლუმბია-იაპონია
19 ივნისი. 19:00. მოსკოვი პოლონეთი-სენეგალი
24 ივნისი. 19:00. ეკატერინბურგი იაპონია-სენეგალი
24 ივნისი. 22:00. ყაზანი პოლონეთი-კოლუმბია
28 ივნისი. 18:00. ვოლგოგრადი იაპონია-პოლონეთი
28 ივნისი. 18:00. სამარა სენეგალი-კოლუმბია

პლეი ოფი
1/8 ფინალი
30 ივნისი. 18:00. ყაზანი ჩ1 - D2
30 ივნისი. 22:00. სოჭი A1 - B2
1 ივლისი. 18:00. მოსკოვი B1 - A2
1 ივლისი. 22:00. ნიჟნი ნოვგოროდი D1 - ჩ2
2 ივლისი. 18:00. სამარა E1 - F2
2 ივლისი. 22:00. როსტოვი G1 - H2
3 ივლისი. 18:00. სანკტ-პეტერბურგი F1 - E2
3 ივლისი. 22:00. მოსკოვი H1 - G2

1/4 ფინალი
6 ივლისი. 18:00. ნიჟნი ნოვგოროდი ჩ1/D2 - A1/B2 (1)
6 ივლისი. 22:00. ყაზანი E1/F2 - G1/H2 (2)
7 ივლისი. 18:00. სამარა F1/E2 - H1/G2 (3)
7 ივლისი. 22:00. სოჭი B1/A2 - D1/ჩ2 (4)

1/2 ფინალი
10 ივლისი. 22:00. სანკტ-პეტერბურგი 1 - 2
11 ივლისი. 22:00. მოსკოვი 3 – 4

მე-3 ადგილისთვის
14 ივლისი. 18:00. სანკტ-პეტერბურგი

ფინალი
15 ივლისი. 19:00. მოსკოვი

ყოველდღიური სპორტული გაზეთი "ლელო"
1629
მკითხველის კომენტარები / 0 /