მშვიდობით, ატლეტიკო! ანტუან გრიზმანი ბარსელონაში გადადის

ანტუან გრიზმანი ოფიციალურად დაემშვიდობა "ატლეტიკოს". 28 წლის მსოფლიოს ჩემპიონმა გამოსამშვიდობებელი ვიდეო მადრიდული კლუბის "ტვიტერზე" ატვირთა. ფრანგი შემტევი მადლობას უხდის "ატლეტიკოს" იმ ნდობისა და სიყვარულისთვის, რასაც ამ ხნის განმავლობაში გრძნობდა, რომ გადაწყვეტილების მიღების წინ საქმის კურსში ჩააყენა კლუბის პრეზიდენტი მიგელ ანხელ ხილ მარინი და მთავარი მწვრთნელი დიეგო სიმეონე, რომ "ატლეტიკო" მარად მის გულში დარჩება და რომ ემზადება ახალი გამოწვევისთვის და ასე შემდეგ...

მაგრამ ამ შაბლონურ ტექსტზე მეტად საინტერესო ისაა, სად გააგრძელებს კარიერას. თუმცა ამას დიდი მარჩიელობა ნამდვილად არ სჭირდება. გრიზმანი, ვინც "ატლეტიკოსთან" კონტრაქტი გასულ წელს მთელი 5 წლით გააგრძელა, გადადის "ბარსელონაში", რომელიც ამ ტრანსფერში 120 მილიონ ევროს (104 მილიონი ფუნტი) გადაიხდის. ანტუანი კატალონიური გრანდის განკარგულებაში 1 ივლისიდან გადავა.

გრიზმანი "ატლეტიკოში" 2014 წელს "სოსიედადიდან" გადავიდა. ამ ხნის განმავლობაში მან "როხიბლანკოს" მაისურით 256 მატჩი ჩაატარა, 133 გოლი გაიტანა და 50 საგოლე პასი გააკეთა. მოიგო ესპანეთის სუპერთასი (2014-15), ევროპალიგა (2017-18) და ევროპის სუპერთასი (2018-19).

543
მკითხველის კომენტარები / 0 /
მსგავსი ამბები
რუბრიკის სხვა სიახლეები
;