მშვილდოსანთა მსოფლიოს თასი იწყება - ქალ-ვაჟთა გუნდით წარვსდგებით

დღეს ანტალიაში მშვილდოსანთა მსოფლიოს თასი იწყება, რომელშიც მსოფლიოს 51 ქვეყნის ნაკრები გამოვა. მათ შორის საქართველოს ვაჟ და ქალ მშვილდოსანთა გუნდებიც იქნებიან.

ვაჟთა ნაკრებში ქუთაისელები - ჯაბა მოსეშვილი, ლაშა ფხაკაძე და თბილისელი ზურაბ მესტვირიშვილი გამოვლენ, ხოლო ქალთა ნაკრები მთლიანად აჭარის რეგიონის სპორტსმენებითაა დაკომპლექტებული: ევროპის ორგზის ვიცე-ჩემპიონი გუნდურში ხათუნა ნარიმანიძე, მისი შვილი ციკო ფუტკარაძე და ირა არჯევანიძე. 

დღეს ანტალიაში პირად პირველობაში საკვალიფიკაციო ეტაპი გაიმართება უკლებლივ ყველა - ოლიმპიურსა თუ არაოლიმპიურ დისციპლინაში, და გაირკვევიან როგორც პლეი ოფის მონაწილენი პირად პირველობაში, ასევე გაირკვევა გუნდური პირველობის შედეგები და შერეულ წყვილთა ტურნირის მონაწილენი. დღესვე დაიწყება პლეი ოფები შერეულ წყვილებში. 

ხვალ პლეი ოფები უკვე პირად პირველობაში დაიწყება, რომელიც ზეგაც გაგრძელდება, ზეგვე ანალოგიურ ეტაპში გუნდური შეჯიბრების მონაწილენი ჩაებმებიან. 24 მაისი ისევ შერეულ წყვილებს დაეთმობათ, 26-ში კი ფინალური სერიის პაექრობები ჩატარდება უკლებლივ ყველა დისციპლინაში. იმავე დღეს გამოვლინდებიან ჩემპიონები, ვერცხლისა და ბრინჯაოს მედლის მფლობელები. 

409
მკითხველის კომენტარები / 0 /
მსგავსი ამბები
რუბრიკის სხვა სიახლეები
;