მშვილდოსანთა ნაკრებმა ზამთრის ევროპაზე ვერცხლი მოიპოვა

საქართველოს მშვილდოსან ქალთა ნაკრებმა ვერცხლის მედალი მოიპოვა სამსუნში მიმდინარე ევროპის ზამთრის პირველობაზე. ფინალში ჩვენებმა რუსეთის ნაკრებთან წააგეს, თუმცა კი დამატებით სერიაში და იქაც - მინიმალური სხვაობით: 29:30.

საბოლოოდ რუსეთმა 5:4 მოიგო და ჩემპიონი გახდა, მესამეზე კი ჩვენების მიერ ძლეული უკრაინა გავიდა. გადამწყვეტ შეხვედრაში მათ მეზობელ ბელარუსს იმავე ანგარიშით - 5:4, ანუ ასევე გადასროლაში სძლიეს, ოღონდ მათი დამატებითი გასროლები 29:28 დამთავრდა.

რუსებთან ფინალურ შეხვედრაში ჩვენს ნაკრებს რუსებთან ჩამორჩენის აღმოფხვრა მოუხდა. ეს მესამე სეტში მოხდა, რომელშიც ქართველებმა 57:55 იძალეს, მანამდე კი პირველი სეტი ფრედ, 58:58 დასრულდა, მეორე კი რუსებმა მოიგეს - 58:55. ამდენად სამი სეტის შემდეგ საერთო ანგარიში საყაიმო, 3:3 იყო. მეოთხე სეტში ორივე გუნდი მშვენივრად გამოვიდა და მხოლოდ თითო 9-იანი ჰქონდათ, დანარჩენი სულ 10-იანები მიითვალეს, სეტი კი ფრედ, 59:59 დასრულდა.

გუნდები გადასროლაშიც კარგად გაისარჯნენ, თუმცა სამი ისარიდან ჩვენებმა ერთი ისევ 9-იანში მოარტყეს, რუსებმა კი სამივე 10-იანში გაგზავნეს და 30:29 მოგვიგეს.

620
მკითხველის კომენტარები / 0 /
მსგავსი ამბები
რუბრიკის სხვა სიახლეები
;