მშვილდოსნობა. ევროპული ოლიმპიადის საგზური მოსეშვილმაც დაისაკუთრა

მინსკში ივნისის ბოლოს გასამართავი II ევროპული თამაშების ერთი ლიცენზია საქართველოს მშვილდოსან ვაჟთა ნაკრებმაც მოიპოვა - ბუქარესტში გამართულ ევროპის "დიდ პრიზზე" ქუთაისელი ჯაბა მოსეშვილი მეექვსე ადგილზე გავიდა, რითაც საქართველოს ლიცენზია მოუტანა. ოღონდ აქ აუცილებლად განვმარტოთ, რომ მშვილდოსნობაში საგზური სახელობითი არაა - ის ეკუთვნის ქვეყანას და არა პირადად სპორტსმენს.

საქართველოს ქალებში უკვე ჰქონდა ერთი საგზური ანუ იქ პირად პირველობაში ორი სპორტსმენით გამოვალთ - თითო ქალი და ვაჟი. თუმცა მოსეშვილის ახლანდელი მიღწევა იმას ნიშნავს, რომ ჩვენი მშვილდოსნები მინსკში შერეულ წყვილებშიც გამოვლენ.

აქვე შეგახსენებთ, რომ ოთხი წლის წინ ბაქოში გამართულ პირველ ანალოგიურ თამაშებში საქართველოს დელეგაციამ პირველი მედალი სწორედ მშვილდოსნობაში, შერეულ წყვილებში მოიპოვა, ამ ისტორიული წარმატების ავტორები კი ხათუნა ნარიმანიძე და ლაშა ფხაკაძე გახდნენ.

ყოველდღიური სპორტული გაზეთი "ლელო"
510
მკითხველის კომენტარები / 0 /
მსგავსი ამბები
რუბრიკის სხვა სიახლეები
;