მშვილდოსნობა. როვერეტოში ქართველები პლეი ოფში გავიდნენ

იტალიურ როვერეტოში დღეს დაიწყო ევროპის ახალგაზრდული თასის გათამაშება მშვილდოსნობაში, სადაც ჩვენგან 4 მსროლელი გამოდის - 3 ჭაბუკებში და 1 - ახალგაზრდებში.

დღეს ჩატარდა საკვალიფიკაციო ეტაპი ორივე ასაკში. ჭაბუკებში ყველაზე უკეთ ანრი ბასილაძე გამოვიდა, რომელიც 616 ქულით 38-ე ადგილზე გავიდა. საბა გათენაძე 605-ით 49-ზე დამკვიდრდა, ხოლო მირიან წულუკიძე 542-ით 56-ე აღმოჩნდა.

გუნდურ ჩათვლაში ჩვენს სამეულს 1763 ქულა დაუგროვდა, რაც მე-14 შედეგი აღმოჩნდა. პლეი ოფში ისინი შესარჩევში მესამეზე გასულ თურქეთს შეხვდებიან, ამათში მოგებულს კი მოლდოვა-უკრაინის წყვილში გამარჯვებული გაეჯიბრება. სამივე ჩვენებური პირად პირველობაში პლეი ოფშია გასული.

ახალგაზრდებში ერთი მონაწილე გვყავს - ნიკა თავდგირიძე, ვინც შესარჩევში 591 ქულა დააგროვა, რაც 44-ე მაჩვენებელი აღმოჩნდა. პლეი ოფში თავდგირიძეც გავიდა.

959
მკითხველის კომენტარები / 0 /
რუბრიკის სხვა სიახლეები
;