მძლეოსნობა. მოლდოვური ოქროებით

ამას წინათ კიშინიოვში ახალგაზრდა მძლეოსანთა მოლდოვას ღია პირველობა გაიმართა.

18-წლამდელებში სამმა თბილისელმა ოქროს მედლები მოიპოვა: 800 მეტრზე რბენაში ლუკა გოგილაშვილმა (1.57, 5) გაიმარჯვა.

კვარცხლბეკის უმაღლეს საფეხურზე ავიდნენ შუბის მტყორცნელი გიორგი მარუტიანი (59,6 მ) და სიგრძეზე მხტომელი გიორგი კარდაშიანი (6,98 მ).

-ამ სამ სპორტსმენს 2001-2002 წლებში დაბადებულთა თბილისის ღია პირველობაში არ უასპარეზიათ, - გვითხრა საქართველოს მძლეოსნობის ფედერაციის ვიცე პრეზიდენტმა ვასილ ბერიშვილმა.

ისინი 19-20 მაისს საქარელოს ჩემპიონატში ჩაებმებიან და იქ იბრძოლებენ 18-წლამდელთა ევროპის პირველობის საგზურებისთვის. სალიცენზიო ნორმატივების შესასრულებლად მცირედი დააკლდათ დედაქალაქის ახალგაზრდული შეჯიბრების გამარჯვებულებს:

ქუთაისელ სიმაღლეზე მხტომელებს - დემეტრე ლაბაძესა და ლუკა ივანეიშვილს (ორივე - 190-190 სმ), 100 მეტრზე მორბენალთ - ხობელ ლუკა გულუასა (11,50) და თბილისელ მედეა შონიას (13,26). ვფიქრობთ, ისინი უსაგზუროდ არ დარჩებიან. აღსანიშნავია ისიც, რომ პირველობაში უკონკ+ურსოდ მონაწილეობდა 10 წლის მეგი შონია, რომელიც ჭოკით 2,20 მეტრ სიმაღლეზე გადახტა...

წლეულს 20-წლამდელ მძლეოსანთა ევროპის პირველობაც გაიმართება. იქ გასამგზავრებელი საგზურები უროს მტყორცნელებმა - ლაშა გიორგი გურგენიძემ, დავით ოჩიგავამ და ნინო წიქვაძემ უკვე დაიბევეს.

ყოველდღიური სპორტული გაზეთი "ლელო"
445
მკითხველის კომენტარები / 0 /
რუბრიკის სხვა სიახლეები