[მძლეოსნობა] მუჯარიძის რეკორდი და სალიცენზიო ნორმატივი

თბილისის მძლეოსნობის სასახლეში დამთავრდა საქართველოს მძლეოსანთა ზამთრის ღია ჩემპიონატი, რომელშიც ჩვენი ქვეყნის 14 ქალაქისა და რაიონის, ასევე, უკრაინისა და სომხეთის წარმომადგენლები მონაწილეობდნენ. სტუმრებმა რამდენიმე ჯილდოს გამოჰკრეს ხელი.

- ჩემპიონატის შედეგებით კმაყოფილი ვარ, - გვითხრა შეჯიბრების შემდეგ საქართველოს მძლეოსნობის ფედერაციის ვიცე-პრეზიდენტმა ვასილ ბერიშვილმა. - მაღალი მაჩვენებლები იმანაც განაპირობა, რომ ჩვენმა სპორტსმენებმა ერთი კვირის წინ დედაქალაქის მერიის ხელშეწყობით ორგანიზებულ თბილისის ზამთრის ჩემპიონატშიც იასპარეზეს და ეს ტურნირი ქვეყნის პირველობის ერთგვარი პრელუდია გამოდგა. ამჯერად განსაკუთრებით გამოიჩინა თავი გორელმა გიორგი მუჯარიძემ, რომელმაც ბირთვი 21.21-მეტრიან ნიშნულს გადააცილა და დარბაზებისთვის თავისივე საქართველოს რეკორდი გააუმჯობესა. რაც ყველაზე სასიხარულოა, გიორგის ეს მიღწევა ოლიმპიურ სალიცენზიო ნორმატივს 11 სანტიმეტრით აღემატება. წესით, მძლეოსნობის საერთაშორისო ფედერაციამ შედეგი უნდა დაგვიდასტუროს, რადგან გორელ მძლეოსანს სხვა დროსაც არაერთხელ გამოუჩენია თავი. შარშან, მაგალითად, 23-წლამდელებში ევროპის თასი მოიპოვა 20.27 მეტრით. თუ იმასაც გავითვალისწინებთ, რომ ბაჩანა ხორავამ სიგრძეზე ხტომაში რიოს ოლიმპიადის საგზური საქართველოს ჩემპიონატზე ნაჩვენები შედეგით მოიპოვა, მძლეოსნობაში 2020 წლის ტოკიოს ოლიმპიადის პირველი საგზურის მფლობელი სწორედ მუჯარიძე უნდა გახდეს. კიდევ რამდენიმე სპორტსმენისგან ველით მსგავს წარმატებას. ესენი არიან სიგრძეზე მხტომელი ბაჩანა ხორავა, სამხტომელი ლაშა ღულელური, ბირთვის მკვრელები - ბენიკ აბრამიანი და სოფო შათირიშვილი, ბადროს მტყორცნელი თემურ აბულაშვილი, ჭოკით მხტომელი ლაშა ქარქუსაშვილი, მორბენალი მინდია ენდელაძე. მარათონელი დათო ხარაზიშვილი. სამხტომში, მაგალითად, სალიცენზიო ნორმატივია 17.14 მეტრი, რომლის შესრულებამდე ლაშას 12 სანტიმეტრი დააკლდა. თუმცა გამორიცხული არ არის, ხორავამ და ენდელაძემ მიზანს ბალკანეთის ზამთრის ჩემპიონატში მიაღწიონ, რომელიც 15-16 თებერვალს გაიმართება...

კვარცხლბეკი ქალები

60 მ. 1. ნინო გომარელი (თბილისი, 8.04), 2. მარიამ აბრამიშვილი (თბილისი-ბორჯომი, 8.08), 3. ნატალია გრიგორიანი (თბილისი, 8.20); 200 მ. 1. ნინო გომარელი (26.64), 2. მარიამ აბრამიშვილი (27.41), 3. ნინო მსხვილიძე (ქუთაისი, 27.98); 400 მ. 1. ქეთი გოგოლაძე (ბორჯომი, 1:01.40), 2. ნინო გომარელი (1:01.50), 3. ანა ბიწაძე (თბილისი, 1:06.76); 800 მ. 1. გაიანე უსტიანი (2:21.99), 2. ასია ჩარუხჩიანი (ორივე - ახალციხე, 2:40.42), 3. ნინო ბოლქვაძე (ვანი, 2:44.44); 1500. 1. ელადა ალავერდიანი (ვანაძორი, სომხეთი, 4:42.53), 2. გაიანე უსტიანი (4:54.57); 3000 და 5.000 მ. მარიამ კაპანაძე (ახალციხე, 11:26.54 და 20:21.09); 60 მ/თ. 1. ბელა ჭკადუა („ბუბა“, 9.95), 2. ნინო გაზდელიანი (თბილისი, 11.46); 4X200 მ. 1. ბორჯომი (1:55.20), 2. თბილისი (პირველი ნაკრები, 1.55.67), 3. თბილისი (1:57.67); სიგრძე. 1. მედეა შონია (თბილისი, 5.74), 2. ლიზი ხუსკივაძე (თბილისი, 5.32), 3. ირინა მიკიტიუკი (ახალციხე-თბილისი, 5.23); სიმაღლე. 1. ბელა ჭკადუა („ბუბა“, 150), 2. ლიზი ხუსკივაძე (135), 3. ეკა ჭოლაძე (ქუთაისი, 135); სამხტომი. 1. ირინა მიკიტიუკი (12.82), 2. თამთა ღვინიანიძე (ვანი, 11.30), 3. გურანდა გაბიტაძე (აჭარა, 11.02); ჭოკი. 1. მეგი შონია (250), 2. ლიზი მედულაშვილი (ორივე - თბილისი, 220); ბირთვი. 1. სოფო შათირიშვილი (ოზურგეთი-თბილისი, 16.90), 2. ნინო კვარაცხელია („ბუბა“, 9.55), 3. ელენე თურმანიძე (თბილისი, 8.59); ბადრო. 1. ანი მამაცაშვილი (21.87), 2. ელენე თურმანიძე (15.57), 3. ანა დათიაშვილი (სამივე - თბილისი, 15.48); შუბი. 1. ანი გაჩეჩილაძე (25.37), 2. მარიამ მამედოვა (22.97), 3. მარიამ ჩაჩანიძე (სამივე - თბილისი, 17.29); ურო. 1. ანი მამაცაშვილი (42.80), 2. მარიამ აბუაშვილი (თბილისი, 41.55), 3. ნინო კვარაცხელია (36.52);

ვაჟები

60 მ. 1. გიგა ბუტივჩენკო (აჭარა, 7.27), 2. შალვა ლეკიშვილი (ახალციხე, 7.35), 3. ივანე ძოძუაშვილი (თბილისი, 7.37); 200 მ. 1. მინდია ენდელაძე (ახალციხე, 22.52), 2. ივანე ძოძუაშვილი (23.59), 3, ალექსანდრე ხაჩატურიანი (თბილისი, 23.85); 400 მ. 1. მინდია ენდელაძე (47.84), 2. ფიოდორ ვეჩტომოვი (ოდესა, უკრაინა, 52.30), 3. ვლადიმერ შუშანიანი (ახალციხე, 54.45); 800 მ. 1. ფიოდორ ვეჩტომოვი (2:00.46), 2. ვლადიმერ შუშანიანი (2:04.92), 3. ვიტალი ბრეჟნევი (თბილისი, 2:06.49); 1500 მ. 1. სანდრო ღამბაშიძე (თბილისი, 4:23.54), 2. ვიტალი ბრეჟნევი (4:25.04), 3. არსენ იშხანიანი (ახალციხე, 4:32.14); 3000 მ. 1. ლევან ჩოხელი (თბილისი, 9:29.0), 2. გიორგი ლომიძე (თბილისი, 9:31.1), 3. ნიკო ჩაგანავა (ფოთი, 9:35.8); 5000 მ. 1. ლევან ჩოხელი (16:29.34), 2. გიორგი ლომიძე (16:29.72), 3. ირაკლი ჯანაშია (სამივე - თბილისი, 16:43.11); 60 მ/თ. მიხეილ მახარაძე (ოზურგეთი, 11.73); 4X200 მ. 1. თბილისი (პირველი, 1:37.50), 2. ახალციხე (1:41.44), 3. თბილისი (1:46.08); სიგრძე. 1. ბაჩანა ხორავა („ბუბა“, 8.01), 2. თემურ პირტახია (თბილისი, 6.28), 3. გიორგი დეკანოიძე (ოზურგეთი, 6.10); სიმაღლე. 1. საბა სოსელია („ბუბა“, 180), 2. გიორგი ლაბაძე (ქუთაისი, 175); სამხტომი. 1. ლაშა ღულელაური (თბილისი, 17.02), 2. ნარეკ ხრაპოიანი (ვანაძორი, 14.67), 3. გიორგი დეკანოიძე (ოზურგეთი, 14.22); ჭოკი. 1. ლაშა ქარქუსაშვილი (თბილისი, 470), 2. საბა სოსელია („ბუბა“, 460), 3. გიორგი ბურდიაშვილი (თბილისი, 420); ბირთვი. 1. გიორგი მუჯარიძე (გორი, 21.21), 2. ბენიკ აბრამიანი (თბილისი, 19.09), 3. გიორგი ყეინაშვილი (გორი, 14.55); ბადრო. 1. თემურ აბულაშვილი (53.22), 2. ბადრი ქიმაძე (41.40), 3. გიორგი ლომიძე (სამივე - თბილისი, 40.07); შუბი. 1. ალექსანდრე მარუთიანი (თბილისი, 56.47), 2. ირაკლი ჟორჟოლიანი (ქუთაისი, 44.70), 3. ოთარ ახვლედიანი (ქუთაისი, 36.90); ურო. 1. გიორგი-ლაშა გურგენიძე (თბილისი, 59.22), 2. გოგა ჭიხვარია (ოზურგეთი, 58.51), 3. გიორგი კეკიშვილი (თბილისი, 57.57).

გუნდური

I ჯგუფი. 1. თბილისი (476 ქულა), 2. ახალციხე (410), 3. ქუთაისი (141).

II ჯგუფი. 1. ბორჯომი (153), 2. სასპორტო კლუბი „ბუბა“ (ზუგდიდი, 152), 3. გორი (63).

1206
მკითხველის კომენტარები / 0 /
მსგავსი ამბები
რუბრიკის სხვა სიახლეები
;