მძლეოსნობა. სპორტის დედოფალი სასახლეში

ჩვენი ქვეყნის სხვადასხვა რეგიონისა და სომხეთის წარმომადგენლები მონაწილეობდნენ 2001-2003 წლებში დაბადებულ მძლეოსანთა საქართველოს პირველობაში დარბაზებისთვის, რომელსაც მძლეოსნობის სასახლემ უმასპინძლა.

გიორგი კეკიშვილი უროს ტყორცნაში 72,23 მეტრით თანატოლებს შორის საქართველოს ჩემპიონი გახდა. მან ამ შედეგით ახალგაზრდების ევროპის ჩემპიონატზე გამოსვლის უფლება მოიპოვა. ეს შეჯიბრება კი 5-8 ივლისს უნგრულ დიორში გაიმართება.

60 მეტრზე რბენისას ეს დისტანცია მეგი შონიამ 8,30 წამში დაფარა. თუ გავითვალისწინებთ იმას, რომ მეგი 2003 წელს არის დაბადებული, ეს მაჩვენებელი ურიგო არ უნდა იყოს. სიგრძეზე ხტომაში გიორგი კარდაშიანმა იყოჩაღა - 6,90 მეტრით დაიკავა პირველი ადგილი.

- პორტუგალიური ლეირია 10-11 მარტს 23-წლამდელებში ევროპის თასის გათამაშებას უმასპინძლებს. შეჯიბრებაში ქართველები - გიორგი მუჯარიძე (ბირთვი) და ნინო წიქვაძეც (უროს ტყორცნა) იასპარეზებენ. წლეულს იორივემ კარგი შედეგები აჩვენა. - გვითხრა მძლეოსნობის ფედერაციის ვიცე-პრეზიდენტმა ვასილ ბერიშვილმა.

კვარცხლბეკი

გოგონები
60 მ. 1. მედეა შონია (8,30), 2. ნათელა გრიგორიანი (ორივე-თბილისი, 8,60), 3. სალომე კვინტრაძე (სამტრედია, 8,80); 200 მ. 1. მარი დემურაშვილი (28,65), 2. მარიამ ჯიბაშვილი (ორივე-ქუთაისი, 31,55), 3. სალომე კვინტრაძე (32,03); 400 მ. 1. დალი წივწივაძე (1.06,80), 2. მარი თვაური (ორივე-თბილისი, 1.09,24), 3. ანი კვარაცხელია (ხობი, 1.11,53); 800 მ. 1. მარი ფხალაძე (ჭიათურა, 2.33,27), 2. ქეთი გოგოლაძე (ბორჯომი, 2.39,15), 3. ანა-მარია ადეიშვილი (თბილისი, 2.40,35); 3000 მ. 1. მარი ფხალაძე (11.46,72), 2. ასმიკ მარქარიანი (ახალციხე, 11.49,06), 3. ნათია მაჭავარიანი (თბილისი, 12.00,74); სიგრძეზე ხტომა. 1. მედეა შონია (4,63), 2. ეკა ჭოლაძე (ქუთაისი, 4,59), 3. თამუნა ცერცვაძე (თბილისი, 4,53); სამხტომი. 1. ნინო გაზდელიანი (10,10), 2. თაკო ბაგაშვილი (ორივე-თბილისი, 8,95); ბირთვი. 1. ელენე თურმანიძე (თბილისი, 9,87), 2. ნინო კვარაცხელია (ჩხოროწყუ, 9,47), 3. ლიზა მებონია (წალენჯიხა (7,80); შუბი. 1. ანი ჩოხელი 935,17), 2. ანი გაჩეჩილაძე (ორივე-თბილისი, 22,30).

ვაჟები
60 მ. 1, ლუკა გულუა (ხობი, 7,35), 2. ცსანდრიკ ხაჩატურიანი (თბილისი, 7,61), 3. ბორის ფაიკიძე (ქუთაისი, 7,65); 200 მ. 1. ლაშა კირკიტაძე (ქუთაისი, 24,01), 2. ლუკა გულუა (24,73), 3. სანდრიკ ხაჩატურიანი (24,79); 400 მ. 1. საბა მარღანია (ფოთი, 59,13), 2. გიგა თურაშვილი (თბილისი, 59,15), 3. ლადო მორგოშია (ხობი, 1.00,15); 800 მ. 1. ლუკა გოგინაშვილი (თბილისი-რუსთავი, 2.01,43), 2. ნიკო ჩაგანავა (ფოთი, 2.12,90), 3. არსენ აშხანიანი (ახალციხე, 2.17,38); 3000 მ. 1. სანდრო თვალავაძე (9.58,03), 2. გურამ ყველაშვილი (10.12,86), 3. გიორგი მექვაბიშვილი (სამივე-თბილისი, 10.38,96); 60 მ/თარჯებით. 1. სანდრიკ ხაჩატურიანი (9,13), 2. ნიკა ბოსტაღანაშვილი (9,21), 3. მაქს მორდასოვი (სამივე-თბილისი, 9,49); სიგრძეზე ხტომა. 1. გიორგი კარდაშიანი (თბილისი, 6,90), 2. ლაშა ლორთქიფანიძე (წყალტუბო, 6,05), 3. ედგარ პაპიკიანი (სომხეთი, 5,80); სამხტომი. 1. ტარიელ ჩიქოვანი (აჭარა, 11,27), 2. მიშიკო მახარაძე (ოზურგეთი, 11,01), 3. ლევან ლომიძე (თბილისი, 10,67); სიმაღლეზე ხტომა. 1. ლუკა ივანეიშვილი (185), 2. დემეტრე ლაბაძე (ორივე-ქუთაისი, 175), 3. გიორგი ქურიძე (თბილისი, 165); ჭოკით ხტომა. 1. მიხეილ ცანავა (4,40), 2. ნიკა ბოსტაღანაშვილი (3,60), 3. გიორგი ბურდიაშვილი (სამივე-თბილისი, 3,20); ბირთვი. 1. გიორგი ლიპარტია (ზუგდიდი, 11,48), 2. ლაშა გოგილაშვილი (თბილისი, 9,35), 3. ბექა რურუა (აბაშა, 9,18); ბადრო. 1. საბა ზუბულაშვილი (44,46), 2. ზურაბ ყიფშიძე (32,92), 3. ლაშა გოგიბერიძე (სამივე-თბილისი, 23,15); შუბი. 1. დათო ხოზრევანიძე (ხონი, 56,32), 2. სანდრო მარუთიანი (52,25), 3. დათო ჩითაშვილი (ორივე-თბილისი, 33,90).

ყოველდღიური სპორტული გაზეთი "ლელო"
541
მკითხველის კომენტარები / 0 /
მსგავსი ამბები
რუბრიკის სხვა სიახლეები