მხარდაჭერა მამია გავაშელიშვილს! ჩვენ მოედანზე გელოდებით!

"რუსთავთან" ეროვნული ლიგის პირველი ტურის მატჩში თბილისის "ლოკომოტივის" განაცხადში არ იყო "რკინიგზელთა" ერთ-ერთი საკვანძო მოთამაშე მამია გავაშელიშვილი.

ეროვნული ლიგის ერთ-ერთი გამორჩეული თავდამსხმელი თბილისელთა შეკრებაზე გამართულ ბოლო საკონტროლო შეხვედრებშიც არ გამოჩენილა და კითხვები გაჩნდა, ხომ მარ დატოვა მამიამ გუნდი?

რა თქმა უდნა, ის არავის გაუშვია "ლოკომოტივიდან", მაგრამ გაირკვა, რომ ჯანმრთელობის პრობლემები აქვს, რომელსაც, დიდი იმედი გვაქვს, მალე მოაგვარებს.

"ლოკომოტივისა" და "რუსთავის" ფეხბურთელები მოედანზე გავიდნენ მაისურებით, რომელსაც ეწერა - "#გავაშა". ამით მეტოქეებმა ნიჭიერ თავდამსხმელს თანადგომა გამოუცხადეს.

გაირკვა, რომ 23 წლის მამია გავაშელიშვილი თურქეთშია გამოკვლევებზე. როგორც გვითხრეს, მამიას დაავადება საწყის სტადიაზე აღმოუჩინეს და დიდი იმედი აქვთ, რომ მკურნალობას ექვემდებარება.

გავაშელიშვილს ეკუთვნის საქართველოში დაფიქსირებული შედეგიანობის რეკორდი - 2014/15 წლების სეზონში "ლოკომოტივის" თავდამსხმელმა 37 შეხვედრაში 45 გოლი გაიტანა და გუნდის მთავარ ქართულ ლიგაში დაბრუნება განაპირობა. სამწუხაროდ, მას შემდეგ ბევრჯერ დაშავდა და "ლოკომოტივს" ბოლო ორ სეზონში მხოლოდ 21 გოლით შეეშველა.

"ლელო" მამია გავაშელიშვილს თანადგომას უცხადებს და იმედს გამოვთქვამთ, რომ მოედანს მალე დაუბრუნდება. მამია! შენ ჩვენს ფეხბურთს სჭირდები, მთავარი გოლები და მატჩები კი, გვჯერა, ჯერ წინ გაქვს!

1465
მკითხველის კომენტარები / 0 /
მსგავსი ამბები
რუბრიკის სხვა სიახლეები
;