ნაგოიას ბაშო. დღე მე-4: ტოჩინოშინის მეტოქე დაიეიშოა, გაგამარუსი - ვაკატაკაკაგე

10 ივნისს ნაგოია ბაშოზე მეოთხე საშეჯიბრო დღეა.

სამწუხაროდ, ჯერჯერობით, ქართველი სუმოისტების საქმე არცთუ სახარბიელოდ მიდის - სამი დღის შემდეგ ჯურიოს დივიზიონში გაგამარუს (თეიმურაზ ჯუღელი) ბალანსი 1 მოგება 2 წაგებაა, ხოლო მაკუუჩიში ჩვენი ოძეკი ტოჩინოშინი (ლევან გორგაძე) ჯერაც მოუგებელია (0-3).

გაირკვა ჩვენებურების ხვალინდელი მეტოქეების ვინაობა. ჯურიოს დივიზიონის მეორე ნომერი გაგამარუ ამავე დივიზიონის მეოთხე ნომერ ვაკატაკაკაგეს დაუპირისპირდება, რომელთანაც ქართველს ურთიერთშეხვედრებში დადებითი ბალანსი აქვს - ისინი სამჯერ შეხვედრიან ერთმანეთს და აქედან ორჯერ გამარჯვება გაგას დარჩა.

რაც შეეხება ტოჩინოშინს, ხვალ მისი მეტოქე მესამე მაეგაშირა დაიეიშო იქნება. აღსანიშნავია რომ ურთიერთშეხვედრებში ტოჩის დიდი უპირატესობა აქვს - 7 შეხვედრიდან 6 ქართველმა მოიგო და მხოლოდ ერთხელ განიცადა მარცხი.

იმედი დავიტოვოთ, რომ ეს ბალანსი ხვალ კიდევ უფრო გაუმჯობესდება და ჩვენი ოძეკი ნაგოიას ბაშოზე პირველ გამარჯვებას იზეიმებს.

812
მკითხველის კომენტარები / 0 /
რუბრიკის სხვა სიახლეები
;