ნაპოლი მომავალი კვირიდან ვარჯიშს განაახლებს

კორონავირუსის გამო იტალიაში არსებული უმძიმესი მდგომარეობის ფონზე, ცოტა არ იყოს, უცნარია "ნაპოლის" ხელმძღვანელობის განცხადება - 25 მარტიდან გუნდი სრული შემადგენლობით შეიკრიბება "კასტელ ვოლტურნოზე" და ვარჯიშს განაახლებს.

ბოლო ინფორმაციით, ანალოგიურ გადაწყვეტილებას მიიღებს "ლაციოც". სერია A-ს განახლების ვადები ჰიპოთეტურია. ბოლო ვარიანტად დასახელებელი იყო მაისის დასაწყისი, თუმცა ჩანს ეს ვერ მოხერხდება.

ასეა თუ ისე, ყოველ შემთხვევისთვის, "ნაპოლი" და "ლაციო" ეშურებიან, რომ სიტუაციის გაუმჯობესების შემთხვევაში მზად იყონ. ესეც არ იყოს, ნეაპოლი იტალიის სამხრეთია და იქ, ლომბარდიასთან (ჩრდილოეთი, სადაც განსაკუთრებით მძიმე მდგომარეობაა) შედარებით გაცილებით ნაკლებია გარდაცვლილიც და დაავადებულიც, ისევე, როგორც იტალიის ცენტრალურ ნაწილში.

ამასთან დაკავშირებით, განცხადება გაავრცელა იტალიის პროფესიონალ ფეხბურთელთა ასოციაციის პრეზიდენტმა დამიანო ტომაზიმ, რომელსაც მიაჩნია, რომ 3 აპრილამდე (სადამდეც იტალიის მთავრობამ ქვეყანაში სრული კარანტინი გამოაცხადა) ვარჯიშის განახლება, შეიძლება, დამაზიანებელი იყოს ფეხბურთელთა ჯანმრთელობისთვის.

454
მკითხველის კომენტარები / 0 /
მსგავსი ამბები
რუბრიკის სხვა სიახლეები
;