ნაცუ ბაშო. III დღე: ტოჩინოშინმა ტამავაში დოჰიოზე დააგდო [VIDEO]

დღეს, 15 მაისს ნაცუ ბაშოს მესამე საშეჯიბრო დღე გაიმართა და ტოჩინოშინმა მესამე დაპირისპირებაც მოიგო.

ტოჩინოშინის მეტოქე პირველი მაეგაშირა ტამავაში იყო, რომელთანაც ქართველს დადებითი ბალანსი 14:7-ზე ჰქონდა. ქართველი სეკიტორის მცდელობა, რომ მავაშში ჩაევლო ხელი, წარუმატებელი გამოდგა, თუმცა ბოლოს ტამავაშის შეცდომით ისარგებლა და ჰატაკიკომის ილეთით დააგდო დოჰიოზე.

რაც შეეხება გაგამარუს, მისი მეტოქე ჯურიო ლიგის პირველი ნომერი სოკოკურაი იყო, რომელთანაც სუკუინაგეს ილეთით დამარცხდა. გაგამარუმ ამ ბაშოზე სამი ჩატარებული შეხვედრიდან სამივე დათმო.

16 მაისს ტოჩინოშინის მეტოქე კომოსუბი მიტაკეუმი იქნება, რომელთანაც ლევან გორგაძეს დადებითი ბალანსი, 4:2 აქვს. რაც შეეხება გაგამარუს, მისი მეტოქე ჯურიო ლიგის მეოთხე ნომერი მეისეი იქნება, რომელთანაც უარყოფითი ბალანსი, 1:2 აქვს.

1507
მკითხველის კომენტარები / 0 /
მსგავსი ამბები
რუბრიკის სხვა სიახლეები