ნაცუ ბაშო. IX დღე: ესეც ცხრიდან ცხრა! - ტოჩინოშინმა კვლავ გადადგა [VIDEO]

დღეს, ნაცუ ბაშოს ტრადიციული ტურნირის მეცხრე საშეჯიბრო დღე გაიმართა და ტოჩინოშინმა მეცხრე გამარჯვება იზეიმა.

ტოჩინოშინის მეტოქე მესამე მაეგაშირა იაპონელი დაიეიშო ჰაიატო იყო, რომელთანაც დადებითი ბალანსი 3:1-ზე ჰქონდა. ქართველმა სეკიტორმა თავიდანვე შეძლო მავაშში ხელის ჩავლება და მცირე წინააღმდეგობის მიუხედავად მეტოქე დოჰიოდან იორიკირით გადაიყვანა.

ტოჩინიშინი ამ გამარჯვებით ბაშოს ერთპიროვნულად ლიდერობს, მას ჩამორჩებიან ერთი გამარჯვებით 40 გზის ჩემპიონი დიდი იოკუძუნა ჰაკუჰო და იოკუძუნა კაკარიუ.

ხვალ, ტოჩინოშინის მეტოქე მეოთხე მაეგაშირა ჩიოტარიუ იქნება, რომელთანაც ბალანსი 3:2-ზე აქვს. იაპონელმა ამ ბაშოზე ჯამში 5 შეხვედრა წააგო და 4-ში მოახერხა გამარჯვება.

1349
მკითხველის კომენტარები / 0 /
მსგავსი ამბები
რუბრიკის სხვა სიახლეები