ნაცუ ბაშო. V დღე: ხუთიდან ხუთი- ტოჩინოშინმა ბრაზილიელიც ასწია და გადასვა [VIDEO]

დღეს, 17 მაისს ნაცუ ბაშოს მეხუთე საშეჯიბრო დღე გაიმართა და ქართველმა სეკიტორებმა დღე გამარჯვებით დაასრულეს.

ტოჩინოშინის მეტოქე პირველი მაეგაშირა ბრაზილიელი კაისეი იყო, რომელთანაც დადებითი ბალანსი 8:7-ზე ჰქონდა. ქართველმა სეკიტორმა თავიდანვე აქცენტი მავაშში ხელის ჩავლებაზე გააკეთა და დიდი მონდომების შემდეგ შეძლო კიდეც, ბოლოს კი ბრაზილიელი დოჰიოდან იორიკირით გადაიყვანა.

ტოჩინოშინს ხუთი შეხვედრის ჯამში ხუთი გამარჯვება აქვს და ბაშოს რამდენიმე სუმოისტთან ერთად ლიდერობს.

ხვალ ტოჩინოშინის მეტოქე მესამე მაეგაშირა იოტაკაიამა იქნება, რომელსაც არასდროს შეხვედრია. იოტაკაიამას ამ ბაშოზე ჯერ შეხვედრა არ მოუგია.

551
მკითხველის კომენტარები / 0 /
მსგავსი ამბები
რუბრიკის სხვა სიახლეები