ნახევარწლიანი სატრანსფერო საგა: 160 მილიონი ევრო კოუტინიოსთვის

ნახევარ-წლიან სატრანსფერო საგას შაბათს დაესვა წერტილი - "ლივერპულმა" და "ბარსელონამ" ფეხბურთის ისტორიაში მეორე ყველაზე ძვირადღირებული ტრანსფერი გაჩარხეს

25 წლის ფილიპე კოუტინიო ლა ლიგის გრანდში 160 მილიონი ევროს სანაცვლოდ გადავა. გარიგება ასეთია - "ბარსელონა" 120 მილიონ ევროს გადაიხდის,

ხოლო 40 მილიონი ბონუსების სახით გაიცემა, იმის მიხედვით, რამდენად წარმატებული იქნება კოუტინიო ახალ კლუბში და რამდენად წარმატებული იქნება თავად "ბარსელონა".

ასე რომ, ნეიმარის 222-მილიონიანი მსოფლიოს რეკორდი ტრანსფერის შემდეგ ფეხბურთის ისტორიაში კოუტინიოს ტრანსფერი მეორეა. ზაფხულში "ბარსამ" გაყიდა, ახლა კი იყიდა.

ბრაზილიელს "კამპ ნოუზე" დღეს წარადგენენ, იგი 5,5-წლიან კონტრაქტს გააფორმებს. არაოფიციალური ინფორმაციით, წელიწადში 12,5 მილიონ ფუნტს მიიღებს გასამრჯელოს სახით. ოფიციალური ინფორმაციით კი მისი გამოსასყიდი თანხა 400 მილიონი ევროთი განისაზღვრა.

ზაფხულში ეს ტრანსფერი ჩაიშალა, "ლივერპული" კოუტინიოს არც ახლა ელეოდა, მაგრამ ბრაზილიელი ფეხბურთელი გაიფიცა და თამაშზე უარი განაცხადა.
ერნესტო ვალვერდე:

"კოუტინიოს ბევრი სიკეთის მოტანა შეუძლია "ბარსელონასთვის". მას შეუძლია გოლის გატანაც, საგოლე პასების გაკეთებაც და დაცვაში თამაშიც. იმედი მაქვს, რომ კოუტინიო მალე მოერგება გუნდს და ადაპტაციას სწრაფად გაივლის. კარგი ფეხბურთელები, როგორც წესი, მალე ეჩვევიან ახალ გარემოს".

ყოველდღიური სპორტული გაზეთი "ლელო"
1319
მკითხველის კომენტარები / 0 /
მსგავსი ამბები
რუბრიკის სხვა სიახლეები
;