ნეიმარი - სიარული ჯერ მიჭირს

"პარი სენ-ჟერმენის" ფორვარდმა ნეიმარმა თავისი ჯანმრთელობის მდგომარეობის შესახებ ისაუბრა.

ფეხბურთელის სიტყვებით, მკურნალობა კიდევ ერთი თვე გაგრძელდება, ამასთან, ნეიმარი ჯერ ვერ ახერხებს სპეციალური ფეხსაცმლის გარეშე გადაადგილებას.

"კიდევ ერთი თვე მომიწევს მკურნალობა, თუმცა, ყველაფერი კარგადაა და გეგმის მიხედვით მიდის. ტკივილს ვეღარ ვგრძნობ და თანდათან ნაბიჯებს ვდგამ.

სპეციალური ფეხსაცმლის გარეშე ვერ ვმოძრაობ, მაგრამ მკურნალობა მიდის და უკვე სატრენაჟორო დარბაზში ვმუშაობ. კარგად ვემზადები", - განუცხადა ნეიმარმა Globo  Esporte-ს.

ფეხბურთელი სპეციალური ფეხსაცმლითა და ყავარჯნით რამდენიმე დღის წინ, სან პაულუში რომელიღაც ღონისძიებას ეწვია შეყვარებულ ბრუნა მარკეზინთან ერთად.

ყოველდღიური სპორტული გაზეთი "ლელო"
951
მკითხველის კომენტარები / 0 /
მსგავსი ამბები
რუბრიკის სხვა სიახლეები
;