ნემსაძე აიძულეს, გადამდგარიყო: შენი ახლობლები ციხეში წავლენო - ყაველაშვილი 13 მაისის სკანდალურ არჩევნებს იხსენებს...

"არსება, რომელიც ამსტერდამში ზის და "სკაიპით" მოსახლეობას ცხვირში კოკაინშეყრილი ერთვება", - ასე მოიხსენია პარლამენტის ბიუროს სხდომაზე საქართველოს ნაკრების ყოფილმა დეპუტატმა მიხეილ ყაველაშვილმა ყოფილი პრეზიდენტი მიხეილ სააკაშვილი...

"ქართული ოცნების" დეპუტატმა ნაციონალური მოძრაობის წევრ რომან გოცირიძეს მიმართა და წართმეული სტადიონები გაახსენა. "ფეხბურთზე ხომ დადიოდით? 35-ე სკოლაში? (ძველი 35 სკოლა - რედ)? სადაა, განადგურებული რომაა, იცით? "ნორჩი დინამო" იცით?" სულ 10 ასეთი ობიექტია გასხვისებული".

რომან გოცირიძე ამაზე პასუხობს: - შევარდნაძემ გაყიდა მიწებად.

მიხეილ ყაველაშვილი: - შევარდნაძეს არ გაუყიდია, ამის ფაქტები მაქვს. ბიუჯეტიდან უცხოელი მწვრთნელები დააფინანსეთ, 10 მილიონი გადაიხადეთ და საქართველოს მოსახლეობა "დააბოლეთ", რომ ევროპაზე და მსოფლიოზე გახვიდოდით. ეს ფული ვის გაატანეთ და რა "ატკატებით" გაატანეთ, ეს ჯერ ჩვენმა მოსახლეობამ არ იცის"...

მიხეილ ყაველაშვილმა ძველი ხელისუფლების დანაშაულებრივ გადაცდომებზე ტელეკომპანია "იმედის" ეთერში თეონა გეგელიასა და ნიკა ლალიაშვილის გადაცემაშიც ილაპარაკა - ვეტერანმა ფეხბურთელმა 2007 წლის 13 მაისის სკანდალური არჩევნები გაიხსენა, როცა გიორგი ნემსაძე აირჩიეს და იძულებული გახადეს, ერთ საათში გადამდგარიყო...

"პოლიტიკაში რატომ წავედი? 2007 წელს უცხოეთში ვცხოვრობდი და მომდიოდა ხმები პროგრესზე, ჩაგვრასა და კულუარულ გარიგებაზე. დაიწყო ფეხბურთის ფედერაციის არჩევნები, სადაც ჩემს მეგობარს, გიორგი ნემსაძეს შორიდან ვგულშემატკივრობდი. მე ფეხბურთზე შემტკიოდა გული, რომ განვითარებულიყო, რადგან ამ სახეობას დიდი ძალა აქვს და ვიცით, ნებისმიერ სახელმწიფოში როგორ უფრთხილდებიან...

კულუარული მოძრაობები დაიწყო. მესმოდა, რომ ნაციონალური მოძრაობა ორ ფრთად გაიყო. ერთი ნემსაძეს გულშემატკივრობდა, მეორე - ნოდარ ახალკაცს. მოკლედ რომ ვთქვა, ბოლოს საქმე იქამდე მივიდა, არჩევნების წინა დღეს ნემსაძეს უთხრეს - ახალკაცის კანდიდატურა გადაწყდა და შენ უნდა ჩამოშორდეო.
ნემსაძე არ დათანხმდა. პოლიტიკა ყველა სფეროში იყო შესული, მაგრამ მთელი უბედურება ის გახლდათ, რომ ყველაფერი პირველი პირი განკარგვის ქვეშ იყო. პროფესიულად, პირველად პოლიტიკას მაშინ შევეხე...

მოკლედ, გაიმარჯვა ნემსაძემ. ამის შემდეგ ხდება მთავარი. ის, ვინც გულშემატკივრობდა ნემსაძეს (ლაპარაკია სპორტისა და ახალგაზრდობის საქმეთა ყოფილ მინისტრ ტარიელ ხეჩიკაშილზე - რედ) და იცოდა, სააკაშვილი რა ტიპაჟი იყო, ასე დაგეგმა: იცოდა, რომ წინა საღამოს სააკაშვილს შეხვედრა ჰქონდა, დალევდა და გვიან გაიღვიძებდა. ხმები ნემსაძისკენ იყო მობილიზებული და ესეც გათვალეს. იფიქრეს, მიშა ამ არჩეულ პრეზიდენტს ხომ არ შეცვლიდა? 11 საათზე დამთავრდა არჩევნები, ნემსაძე აირჩიეს და მეორე ფრთამ - ბოკერია, გაბაშვილები - მივარდნენ მიშასთან - შენი გადაწყვეტილება შეცვალესო.

"ფაშამ" გაიღვიძა და... ნემსაძე აიძულეს, გადამდგარიყო - შენი ახლობლები, მეგობრები, პარტნიორები ციხეში წავლენ, თუ არ გადადგებიო. დღეს ეს ძალა შემოტრიალებას ცდილობს", - ამბობს ყაველაშვილი.

არ მინდა განვლილ 9 წელიწადზე ლაპარაკი. მაგრამ შვილმა მკითხა - რა აკეთებდნენ ამისთანას, ასეთი აგრესია რომ არისო? ეს ახალგაზრდებმა არ იციან. უცხოეთშიც კი მაკონტროლობდნენ, ვერც ერთი ტელევიზიის პირდაპირი ეთერის ჩართვაზე ვეღარ მივდიოდი, დაბლოკილი ვიყავი. ჩვენს კომენტარებს ჭრიდნენ. მერე დავხელოვნდით და ისეთ კომენტარს ვაკეთებდით, ვეღარ ჭრიდნენ ან საერთოდ აღარ უშვებდნენ. წარმოიდგინეთ, შვეიცარიაში ახლობლები ჩამოვიდნენ, რესტორანში ვისხედით და ინერციით ჩუმად ლაპარაკობდნენ", - ჰყვება ყაველაშვილი.

2413
მკითხველის კომენტარები / 0 /
რუბრიკის სხვა სიახლეები