ნიკა ბასილაშვილის ადვოკატი: ჯოკოვიჩის დაკითხვა? - ეს ინფორმაცია სიმართლეს არ შეესაბამება

საქართველოს საუკეთესო ჩოგბურთელის ნიკა ბასილაშვილის ადვოკატი ირმა ჭკადუა განცხადებას ავრცელებს. მისი განმარტებით ქართულ მედიაში გამოქვეყნებული ინფორმაცია თითქოს იგეგმება მსოფლიოს ნომერ პირველი ჩოგბურთელის ნოვაკ ჯოკოვიჩის დაკითხვა, სიმართლეს არ შეესაბამება.

"დღეს, ელექტრონულ მედიასაშუალებებში, გავრცელდა ინფორმაცია, ნიკოლოზ ბასილაშვილის საქმეზე, ნოვაკ ჯოკოვიჩის დაკითხვასთან დაკავშირებით. აღნიშნული ინფორმაცია არ შეესაბამება სიმართლეს. ჟურნალისტთან, სატელეფონო კომუნიკაციის დროს, როგორც ჩანს, არასწორად იქნა გაგებული ინტერვიუს ეს ნაწილი და გვსურს, საზოგადოებას განვუმარტოთ, რას ვგულისხმობდით:

როგორც ცნობილია, ნიკოლოზ ბასილაშვილს ადრეული ასაკიდან უწევდა ცხოვრება უცხოეთში. შესაბამისად, მისი მეგობრებისა და კოლეგებისგან, გვსურს, მოვიპოვოთ ნიკოლოზის პიროვნული დახასიათება. ამისათვის ვგეგმავთ არაერთ ცნობილ სპორტსმენთან ამ მიზნით კომუნიკაციას.

სამწუხაროდ, აღნიშნული ინფორმაცია წარმოჩენილი იქნა ისე, თითქოს ნოვაკ ჯოკოვიჩი უნდა დაიკითხოს ქართული სასამართლოს მიერ. ვფიქრობთ, ამ თემის, ასეთი სახით ინტერპრეტაცია გადაჭარბებულია.

მსგავსი გაუგებრობის თავიდან ასაცილებლად, ჩვენ, ნიკოლოზ ბასილაშვილის იურისტები, აღარ ვაპირებთ კომენტარების გაკეთებას მედიასთან, მით უფრო დისტანციურად. უკიდურესი აუცილებლობის შემთხვევაში, ჩვენს პოზიციებს გავაჟღერებთ წერილობითი სახით"

2990
მკითხველის კომენტარები / 0 /
მსგავსი ამბები
რუბრიკის სხვა სიახლეები
;