ნიკა კაჭარავას დუბლი და საგოლე პასი [VIDEO]

კვიპროსის თასის გათამაშებაში დუბლი და საგოლე გადაცემა მიითვალა საქართველოს ნაკრების ფორვარდმა ნიკა კაჭარავამ.

"ანორთოსისმა" სტუმრად 7:0 გაანადგურა "აკრიტასი". 84 -ე წუთზე, კაჭარავას დარტყმის შემდეგ, ანგარიში 5:0 გახდა, 89-ე წუთზე კი დუბლი მიითვალა, ხოლო მანამდე, 85-ეზე, სლოვაკეთის ნაკრების შემტევ მიხალ დურისს გაატანინა.

რუსეთის თასის პირველ მეოთხედფინალში "კრასნოდარი" შინ "როსტოვს" დაუზავდა - 2:2. მასპინძელთა რიგებში თორნიკე ოქრიაშვილს არ უთამაშია.
იქვე, "ლოკომოტივმა" 1:0 მოუგო "რუბინს". საბა კვირკველიამ 90 წუთი გაატარა მინდორზე.

თასის კიდევ ერთ პირველ მეოთხედფინალში "სპარტაკი" შინ დაუზავდა "ურალს" - 1:1. აქეთ ჯანო ანანიძე, ხოლო იქით გიორგი ჭანტურია სათადარიგოთა სკამზე დარჩნენ.

საფრანგეთის ჩემპიონატის რანგით მეორე ლიგაში "გრენობლმა" საგარეო შეხვედრა 3:0 მოუგო "ბეზიეს". გამარჯვებულთა შორის ჯაბა ჯიღაური სათადარიგო იყო.

ყოველდღიური სპორტული გაზეთი "ლელო"
212
მკითხველის კომენტარები / 0 /
მსგავსი ამბები
რუბრიკის სხვა სიახლეები