ნიკა კაჭარავა ჩინეთისკენ? ანორთოსისისთვისაც ასე ჯობიაო...

საქართველოს ნაკრებისა და "ანორთოსისის" ფორვარდმა ნიკა კაჭარავამ, შესაძლოა კარიერა ჩინეთის ერთ-ერთ კლუბში გააგრძელოს. ამის თაობაზე კვიპროსული მედია იტყობინება. ამ დროისთვის, ჩინური კლუბი, სადაც კაჭარავამ შეიძლება ითამაშოს, არ კონკრეტდება.

კვიპროსელები წერენ, რომ იმ შემთხვევაში, თუ კლუბებს შორის შეთანხმება შედგება, ჩინელები უპრობლემოდ დააკმაყოფილებენ იმ ფინანსურ მოთხოვნებს, რომელიც ქართველ ფეხბურთელს აქვს.

"ანორთოსისის" ხელმძღვანელობა გარკვეულ ცვლილებებს გეგმავს. ნიკას გაყიდვას კლუბის შეფები სწორ ფინანსურ ნაბიჯად მიიჩნევენ. კაჭარავას წლიური ხელფასი 200 000 ევროა. ამ მაჩვენებლით ის "ანორთოსისში" ერთ-ერთი ყველაზე მაღალანაზღაურებადი მოთამაშეა.

შეგახსენებთ, რომ თემურ ქეცბაიას გუნდში ქართველთაგან თორნიკე ოქრიაშვილი, ბუბა დაუშვილი და გიორგი ლორიაც არიან.

892
მკითხველის კომენტარები / 0 /
მსგავსი ამბები
რუბრიკის სხვა სიახლეები
;