ნიკა სანდოხაძე ლვოვის კარპატიში ითამაშებს

ნიკა სანდოხაძე ლვოვის "კარპატიში" ითამაშებს. "სამტრედიას" აწ უკვე ყოფილმა, 23 წლის ცენტრალურმა მცველმა 2,5-წლიანი კონტრაქტი გააფორმა.

ეს ამბავი ლვოვური კლუბის პრესსამსახურმაც დაადასტურა.

1994 წლის 20 თებერვალს თბილისში დაბადებული სანდოხაძე თბილისის "დინამოს" აკადემიაში აღიზარდა.

უთამაშია თბილისის "ლოკომოტივსა" და ქუთაისის "ტორპედოში", მაგრამ გულშემატკივარმა ყველაზე მეტად "სამტრედიაში" თამაშით დააფასა.

იყო საქართველოს ყველა ასაკობრივი ნაკრების წევრი, 19-წლამდელთა ევროპის 2013 წლის ჩემპიონატის მონაწილე. "სამტრედიაში" გახდა საქართველოს ჩემპიონი, ვერცხლის და ბრინჯაოს მედლების, ასევე სუპერთასის მფლობელი.

ამჟამად, ლვოვის "კარპატი" უკრაინის 12-გუნდიან პრემიერლიგაში ბოლოსწინა ადგილზეა.

მაგრამ მე-8 პოზიციაზე მყოფ "ოლექსანდრიას" მხოლოდ 4 ქულით ჩამორჩება და ლიგაში ადგილის შენარჩუნების რეალური შანსი აქვს.

ყოველდღიური სპორტული გაზეთი "ლელო"
890
მკითხველის კომენტარები / 0 /
მსგავსი ამბები
რუბრიკის სხვა სიახლეები
;