ნიკა შენგელიას ბრინჯაო ახალგაზრდა მოფარიკავეთა ევროპის ჩემპიონატიდან

იტალიურ ფოჯაში გრძელდება ახალგაზრდა მოფარიკავეთა ევროპის ჩემპიონატი, რომელშიც საქართველოდან მხოლოდ მოხმალავეები (მთავარი მწვრთნელი მერაბ ბაზაძე) მონაწილეობენ. გუშინ ვაჟთა ტურნირში შესანიშნავად იასპარეზა 23-წლამდელებში კონტინენტის 2018 წლის ვერცხლის პრიზიორმა ნიკა შენგელიამ, რომელმაც ბრინჯაოს მედალი მოიპოვა.

ჯგუფში ნიკამ ხუთიდან ოთხ შეხვედრაში წარმატებას მიაღწია - დაამარცხა მაგამედ ხალიბეკოვი (რუსეთი, 5:4), ნიკოლაუს ბენედიკტი (ავსტრია, 5:1), მაქსიმ პინჩუკი (ბელარუსი, 5:3), ბოჰდან ბოჰოვინი (უკრაინა, 5:3) და ერთადერთი პაექრობა ესპანელ დიეგო სანტამარიასთან დათმო ერთი ჩხვლეტით - 4:5. შენგელიამ პლეი ოფშიც ოთხჯერ იმარჯვა: სძლია ბას ვინემარის (გერმანია) - 15:11, პიოტრ შეფანიკს (პოლონეთი) - 15:11, სებასტიან პატრის (საფრანგეთი) - 15:12, ლორენცო რომას (იტალია) - 15:13, ნახევარფინალში კი ახალგაზრდების მსოფლიოს კლასიფიკაციით პირველ ნომერ მატეო ნერისთან (იტალია) დამარცხდა 7:15 და მესამე ადგილი დაიკავა. ნერიმ ფინალში ვლადისლავ პოზდნიაკოვსაც (რუსეთი) აჯობა. მეორე ბრინჯაო ბულგარელ გალინ გენოვს ხვდა.

გუშინვე საფარიკაო ბილიკებზე კიდევ სამი ქართველი გავიდა, რომლებმაც ოცდაათეულში დაიმკვიდრეს ადგილი. ჯგუფებიდან გასვლის შემდეგ მათ პლეი ოფშიც თითო გამარჯვება მოიპოვეს.

13. ვაჟა რეჭია - კრისტიან რაბი (უნგრეთი, 2:5), ვლადისლავ პოზდნიაკოვი (რუსეთი, 5:3), დანიელ მაგნუსონი (ისლანდია, 5:0, ბერტ პოლდსვორტი (დიდი ბრიტანეთი, 5:4), ანტონ ტარასევიჩი (ბელარუსი, 5:1), შტეფან ფრიედჰეიმი (გერმანია, 5:2); ჯაკომო მიგნუზი (იტალია) - 15:11, ვლადისლავ პოზდნიაკოვი (რუსეთი) - 14:15.

20. გოგა კაკაურიძე - ჟულის გერაუდი (საფრანგეთი, 2:5), ოზქან იილდირიმი (თურქეთი, 5:1), სეზარ ბიალეცკი (პოლონეთი, 5:3), ალჯაზ ვარგა (სლოვენია, 5:3), ხერარდო ლილო (ესპანეთი, 5:3), ლორენცო რომა (იტალია, 1:5); ანტონ ტარასევიჩი (ბელარუსი) - 15:12, გალინ გენოვი (ბულგარეთი) - 9:15.

28. ნიკოლოზ ჭეიშვილი - ჯაკომო მიგნუზი (იტალია, 5:0), პიოტრ შეფანიკი (პოლონეთი, 3:5), ანდრეი პასტინი (რუმინეთი, 5:4), დანიელ ტრაიკოვი (ბულგარეთი, 5:1), მუჰამედ ანასიზი (თურქეთი, 2:5), ანტონიო ჰიტჩოკი (გერმანია, 4:5); შტეფან ფრიედჰეიმი (გერმანია) - 15:14, მატეო ნერი (იტალია) - 5:15.
გოგონათა შეჯიბრებაშიც ოთხი ჩვენებური ჩაება. მათგან გამოირჩა ლიკა ჯიჯეიშვილი. ჯგუფში მან ხუთიდან სამი შეხვედრა მოიგო: ზედიზედ სძლია ჯოლი კორტეინს (ბელგია, 5:1), ალეხანდრა სანჩეს მარკოსს (ესპანეთი, 5:1) და აილინ ქაკირს (თურქეთი, 5:2), ხოლო კატინკა ბატაისა (უნგრეთი, 4:5) და სარა ნუჩასთან (საფრანგეთი, 3:5) პაექრობები დათმო. პლეი ოფის პირველ წრეში პოლონელი ჯულია კიესლარი დაჯაბნა - 15:10, მომავალ ბრინჯაოს პრიზიორ ჯულია არპინოს (იტალია, 7:15) კი ვერ გასცდა და საბოლოოდ 58 მონაწილეს შორის 25-ე ადგილით დაკმაყოფილდა.

დანარჩენმა სამმა ქართველმა მოფარიკავემ ჯგუფში მხოლოდ თითო მეტოქეს აჯობა, 5-5 ორთაბრძოლაში კი დამარცხდნენ. მარიამ ცუხიშვილმა ლიზა გიოტეს (გერმანია, 5:3) სძლია, თამარ ჩარკვიანმა, რომელმაც ამ შეჯიბრებამდე 17-წლამდელებშიც მოსინჯა ძალები, მარგარიტა სმირნოვა (რუსეთი, 5:4) დაამარცხა, ხოლო ანა აფრასიძემ ანა კარალიოვას (რუსეთი, 5:2) მოუგო. საგულისხმოა, რომ რუსმა მოფარიკავემ ჯგუფში მხოლოდ აფრასიძეს ვერ მოუხერხა ვერაფერი. თითო მოგება ჩვენებს პლეი ოფში გასასვლელად არ ეყოთ, ამიტომ აფრასიძემ, ჩარკვიანმა და ცუხიშვილმა, შესაბამისად, 48-ე, 50-ე 51-ე ადგილები დაიკავეს. კვარცხლბეკზე ავიდნენ: 1. ლიზა პუშტაი (უნგრეთი), 2. ალინა მიხაილოვა (რუსეთი), 3. კატლინ მაქსველი (დიდი ბრიტანეთი) და ჯულია არპინო (იტალია).

ყოველდღიური სპორტული გაზეთი "ლელო"
430
მკითხველის კომენტარები / 0 /
მსგავსი ამბები
რუბრიკის სხვა სიახლეები
;