ნიკოლოზ ბასილაშვილი გარიგებულ მატჩებს დაუკავშირეს

(croco.ge) - Tenniscircus.com-მა საქართველოს პირველი ჩოგანი, ნიკოლოზ ბასილაშვილი გარიგებულ მატჩებს დაუკავშირა ბელგიის პროკურატურა ჩოგბურთში ჩაწყობილი მატჩების საქმეს იძიებს...

გერმანული ტელეკომპანია ZDF სკანდალურ რეპორტაჟს აქვეყნებს. ZDF ჩოგბურთში მაფიის არსებობასა და გარიგებულ მატჩებზე წერს. მათი ცნობით, ბელგიური სამართალდამცავი ორგანო საქმეს უკვე იძიებს, სადაც 130-ზე მეტი ჩოგბურთელის სახელი ფიგურირებს, მათ შორის კი ერთ-ერთი მათგანი ტოპ 30-დანაა და ATP-ის 3 ტიტული აქვს მოგებული.

Tenniscircus.com-ის ცნობით კი, ერთ-ერთი მათგანი ნიკოლოზ ბასილაშვილია. იტალიური გამოცემა ქართველ ჩოგბურთელს გარიგებულ მატჩებს უკავშირებს და ამბობს, რომ შესაძლოა, გამოძიების ერთ-ერთი "გმირი" ქართველი ბასილაშვილია

ZDF-ის ერთ-ერთი მოწმე ცნობილი გერმანელი ჩოგბურთელი ანა პეტკოვიჩია, რომელიც ყვება, რომ მსგავსი ტიპის მაფიოზური ჯგუფები ჩოგბურთელებთან ხშირად ახერხებენ კონტაქტის დამყარებას. ისინი ჩოგბურთელებს რთულ მომენტებში გამოიჭერენ, შემდეგ კი მათი დაყოლიება არც ისე რთული ხდება. ძირითად შემთხვევებში კი ისინი "თანამშრომლობას" დამწყებ ჩოგბურთელებთან ახერხებენ.

მსგავსი ორგანიზაციები მიმართავენ იმ ჩოგბურთელებს, რომლებიც ღარიბი ქვეყნებიდან არიან, ან არ ჰყავთ სპონსორები ან ეროვნული ფედერაციები არ ეხმარებიან. იმისთვის, რომ სპორტსმენები ტურნირებზე მოხვდნენ, მათ ფინანსური სახსრები სჭირდებათ, სწორედ ამიტომ, მსგავსი მაფიები მათ დაყოლიებას მარტივად ახერხებენ.

შეგახსენებთ, რომ ნიკოლოზ ბასილაშვილმა მარჯვენა იდაყვზე ოპერაცია გაიკეთა. საქართველოს პირველი ჩოგანი რეაბილიტაციის შემდეგ ახალ სანაკრებო ტურნირში, ATP ჩუპ-ზე იასპარეზებს. მასთან ერთად ტურნირში მონაწილეობას სანდრო მეტრეველიც მიიღებს. ტურნირი ავსტრალიის სამ ქალაქში - პერთში, სიდნეისა და ბრისბენში გაიმართება. საქართველოს ნაკრები ესპანეთთან, იაპონიასა და ურუგვაისთან ერთად B ჯგუფში იასპარეზებს.

https://croco.ge/show/15408/nikoloz-basilashvili-garigebul-matchebs-daukavshires?fbclid=IwAR1hZKa8HW-iflGypeoIrpCarYh3Pwrvbp8JbldVwNArgP4AUUw7bbhH85E

https://www.welt.de/vermischtes/article204340410/Wettskandal-im-Tennis-Ermittlungsverfahren-gegen-deutschen-Spieler.html

2624
მკითხველის კომენტარები / 0 /
მსგავსი ამბები
რუბრიკის სხვა სიახლეები
;