ნიკოლოზ ბასილაშვილი ექვსი საფეხურით ჩამოქვეითდა

ჩოგბურთელ ქალ-ვაჟთა საერთაშორისო ასოციაციებმა განახლებული რეიტინგები გამოაქვეყნეს.

მსოფლიოს კლასიფიკაციაში ნიკოლოზ ბასილაშვილი ექვსი საფეხურით ჩამოქვეითდა და ახლა 89-ე ადგილზეა. რაც შეეხებათ ქალებს, მარიამ ბოლქვაძემ ერთეულებში 9 საფეხურით ჩამოინაცვლა.

დანარჩენების რეიტინგებში მხოლოდ უმნიშვნელო ცვლილებებია. ზოგიერთ მათგანს მდგომარეობის გამოსწორება შეუძლია, რადგან ახლა უცხოურ ტურნირებზე იმყოფებიან.

ეკატერინე გორგოძე და სოფიო შაფათავა იტალიაში არიან და სანტა მარგარეტა დი პულას 25 000-იანი ტურნირის საკვალიფიკაციო ეტაპზე გუშინ უნდა აეღოთ სტარტი, მაგრამ უამინდობის გამო მათი შეხვედრები დღეისთვის გადაიდო.

გორგოძე ერიკა ფოგელსანგს (ჰოლანდია) შეხვდება, ხოლო შაფათავა ელიზაბეტ სკოტთან (აშშ) გაარკვევს ურთიერთობას. წინა კვირას შაფათავამ და გორგოძემ წყვილებში იტალიური 25 000-იანი ტურნირი მოიგეს.

ამჯერად ისინი სხვადასხვა დუეტში მოსინჯავენ ძალებს: მეორე ნომრად განთესილი შაფათავა და ანასტასია ვასილიევა (უკრაინა) ფიონა ფეროსა და ტესა ადრიანჯაფიტრიმოს (ორივე - საფრანგეთი) დაუპირისპირდებიან, ხოლო გორგოძე და პერმა ოზგენი (თურქეთი) გერმანელებს - კატერინა გერლაჩსა და კატერინა ჰობგარსკის გაუწევენ მეტოქეობას.

მარიამ ბოლქვაძე შარმ ელ შეიხის (ეგვიპტე) 15 000-იან ტურნირში ითამაშებს. ერთეულებში ალიონა ფომინას (რუსეთი) გამოცდის, ხოლო წყვილებში მასთან ერთად ასპარეზობის რეიტინგფავორიტია და ოლა ზეფრისა (ეგვიპტე) და პაულინა იასტრჟევსკას (პოლონეთი) შეხვდება.

ქალები

ერთეულები: 331 (326). ეკატერინე გორგოძე (137), 342 (340). სოფიო შაფათავა (127), 569 (560). მარიამ ბოლქვაძე (47).
წყვილები: 65 (66). ოქსანა კალაშნიკოვა (1074), 237 (240). სოფიო შაფათავა (298), 384 (385). ეკატერინე გორგოძე (146), 629 (630). მარიამ ბოლქვაძე (55), 760 (766). თათია მიქაძე (34), 980 (982). სალომე დევიძე (18).

ვაჟები

ერთეულები: 89 (83). ნიკოლოზ ბასილაშვილი (640), 1087 (1084). გიორგი ცივაძე (8), 1225 (1222). ალექსანდრე ბაკში (4), 1592 (1583). გიორგი ჯავახიშვილი (1), 1839 (1815). ვაჟა შუბლაძე (1).

წყვილები: 266 (266). ნიკოლოზ ბასილაშვილი (225), 867 (862). გიორგი ცივაძე (42), 1177 (1179). ალექსანდრე ბაკში (16).

ყოველდღიური სპორტული გაზეთი "ლელო"
1069
მკითხველის კომენტარები / 0 /
მსგავსი ამბები
რუბრიკის სხვა სიახლეები
;