ნიკოლოზ შერაზადიშვილი: ოლიმპიადამდე დღეებს ვითვლიდი

ძიუდოს საერთაშორისო ფედერაციის ვებ გვერდმა გამოქვეყნა ინტერვიუ ესპანეთის ნაკრების წევრ ქართველ ძიუდოისტთან, მსოფლიოს ჩემპიონ ნიკოლოზ შერაზადიშვილთან.
ვებ გვერდის ჟურნალისტმა შერაზადიშვილს რამდენიმე კითხვა დაუსვა.

– ნიკოლოზ, როგორ გრძნობ თავს, როგორ არიან შენები, ოჯახის წევრები?
– კარგად ვართ მეც და ოჯახიც, დიდი მადლობა რომ დაინტერესდით.

– სად ხარ?
– მადრიდში.

– როგორ ვარჯიშობ და ცდილობ რომ ფორმაში დარჩე?
– ჩემი მწვრთნელის ქვინოს სახლში ვარ. აქ მაქვს წონაზე ვარჯიშის და აგრეთვე რამდენიმე საბაზო ვარჯიშის შესრულების საშუალება.

– გეხმარება თუ არა ძიუდოს ფასეულობები ამჟამინდელი, განსაკუთრებული სიტუაციის გადატანაში?
– საზოგადოდ, ძიუდო ძალიან მეხმარება ცხოვრებაში. მოცემულ მომენტში კი უმნიშვნელოვანესია სოლიდარობა და თვითშეზღუდვა, რასაც რა თქმა უნდა მეც ვითვალისწინებ.

– რა გენატრება ყველაზე მეტად?
– მეგობრებთან ურთიერთობა.

– რა იფიქრეთ, როდესაც ოლიმპიური თამაშების გადადების თაობაზე ინფორმაცია შეიტყვეთ?
– ერთი მხრივ ეს მტკივნეული იყო, რადგან ძალიან მინდოდა მასზე მეასპარეზა და დღეებსაც ვითვლიდი ოლიმპიადამდე, თუმცა მეორეს მხრივ ნამდვილად სწორი და სამართლიანი იყო მიღებული გადაწყვეტილება ღონისძიების გადატანის თაობაზე.

1622
მკითხველის კომენტარები / 0 /
მსგავსი ამბები
რუბრიკის სხვა სიახლეები
;