ნინო ოძელაშვილი: ქმარს დავპირდი, მსოფლიოს ჩემპიონი თუ გავხდი... [VIDEO]

მას მერე, რაც მსოფლიო ჩემპიონატის ფინალში მორიგი ძლიერი მოწინააღმდეგე დაამარცხა, ტრადიციულად ჯერ მისი საფირმო სალტო შეასრულა, შემდეგ დაიჩოქა და პირჯვარი გადაისახა, ტატამს აკოცა და დასასრულ ქართული ცეკვის ილეთებით ჩამოუარა საჭიდაო ხალიჩას. ეს მსოფლიოში ჭიდაობის სახეობათა მოყვარულთათვის უკვე კარგად ნაცნობი ნინო ოძელაშვილია - ქართველი სამბისტი ქალი, რომელიც ჩვენი ქვეყნის ისტორიაში ჯერ პირველი ევროპის ჩემპიონი გახდა, ახლა კი უკვე მსოფლიო ჩემპიონია.

"კვირის პალიტრა" ულოცავს ნინოს გამარჯვებას და უსურვებს კვლავაც მრვალაჯერ გაახაროს გულშემატკივარი.

ჩვენს არქივში მასთან ჩაწერილი რამდენიმე ინტერვიუ ინახება. ვიდრე ახლა უკვე მსოფლიო ჩემპიონი ახალ ამბებს მოგვიყვება, გთავაზობთ ამონარიდებს ამ ინტერვიუებიდან:

- როგორც მეუბნებიან, 5 წლისას ჩემს წონაზე 3-ჯერმძიმე ტვირთის აწევა შემეძლო. სკოლაში ცელქი ვიყავი, კლასში ყველა ბიჭს ვცემდი. ჩოგბურთელობა მინდოდა, შარაპოვას რომ ვუყურებდი, ოცნებას მივეცემოდი ხოლმე. 5-შვილიან ოჯახში არ გვქონდა ამის საშუალება - ჩოგბურთი ძვირად ღირებული სიამოვნებაა. მამამ ხუთივე - 2 გოგო და 3 ბიჭი - ჭიდაობაზე შეგვიყვანა და თავად იყო ჩვენი და თავად იყო ჩვენი მწვრთნელი. დედაც მძლეოსანი გახლდათ. მამას ფანატიკურად უყვარს სპორტი და ყველაფერში მავარჯიშებდა.

ქართული ცეკვა ტატამზე! ნინო ოძელაშვილმა მსოფლიოს ჩემპიონობა ემოციურად აღნიშნა [VIDEO]

სხვათა შორის, თმები გადამხოტრეს და შეჯიბრებეზე რომ გავდიოდი მეტოქეებმა არ იცოდნენ რომ გოგო ვიყავი. იმის გამო რომ ქალი ვარ, ძალიან უჭირდათ რეალურად აღქმა, რომ მეც ჩვეულებრივი პორტსმენი ვიყავი. მამაჩემი სულ კუდში დამდევდა, რომ ვინმეს შეურაცხყოფა არ მოეყენებინა. მაშინ ხშირად ამბობდნენ რომ გოგო ძალისმიერ სპორტში არ უნდა იყოსო, მაშინაც და ახლაც ყველგან ვამტკიცებ, რომ როგორც კაცია ძლიერი არა ნაკლებად ძლიერია ქალი, მერწმუნეთ, მხოლოდ ძლიერ ქალს შეუძლია გაზარდოს ძლიერი კაცი.

და თავად იყო ჩვენი მწვრთნელი. დედაც მძლეოსანი გახლდათ. მამას ფანატიკურად უყვარს სპორტი და ყველაფერში მავარჯიშებდა. თავიდან ძიუდოში ვვარჯიშობდი, მერე სამბო ვარჩიე.

ნინომ მოფლიოს ჩემპიონატი რომ მოიგო, გამარჯვების აღსანიშნავად ცეკვა შეასრულა...

- ცეკვა მოყვარულის დონეზე ვიცი და ძალიან მიყვარს. ევროპის ჩემპიონატზე რომ მივდიოდი, მეუღლემ მითხრა, თუ გაიმარჯვებ, იცეკვეო, მეც დავპირდი, რომ აუცილებლად ვიცეკვებდი და პირნათლად შევუსრულე პირობა. გიორგი სულ გვერდში მიდგას. ყოველ დილით ჩემთან ერთად დარბის. პირველად კიმონო მაჩუქა და ბევრი წარმატება მომიტანა მისმა საჩუქარმა. სპორტის მინისტრმა იხუმრა, ჭიდაობა არა, მაგრამ ცეკვა დასახვეწი გაქვსო. ამაზე ბევრი ვიხალისე.

სრულად იხილეთ kvirispalitra.ge

ნინო ოძელაშვილის ახალი ისტორიული წარმატება

4138
მკითხველის კომენტარები / 0 /
მსგავსი ამბები
რუბრიკის სხვა სიახლეები