ნიჩბოსნობაში ნიჭიერი თაობა მოდის

დამთავრდა ევროპის პრიზიორის, მონრეალის ოლიმპიური თამაშების მონაწილის, საერთაშორისო სპორტის ოსტატ გივი ნიკურაძის მემორიალი აკადემიურ ნიჩბოსნობაში, რომლის ორგანიზატორი იყო მცხეთის კულტურისა და სპორტის დაწესებულებათა გაერთიანება.

საასპარეზოდ მასპინძლებთან ერთად თბილისის, ქუთაისისა და ფოთის წარმომადგენლებმაც მოიყარეს თავი. საპრიზო ადგილებისთვის პაექრობაში სულ 37 სპორტსმენი მონაწილეობდა, უმთავრესად - ახალგაზრდები. ქალებში უკონკურსოდ გამოდიოდა ქუთაისელი დალი ჩივაძე, რომელმაც 4000 მეტრი 25.51-ში დაფარა, ხოლო 500-მეტრიანი დისტანციის ფინიშის ხაზი 2 წუთსა და 21 წამში გადაკვეთა.

- სასიამოვნოა, რომ აკადემიურ ნიჩბოსნობაში ბოლო დროს ახალგაზრდები მოგვიმრავლდნენ, - გვითხრა მცხეთის სანიჩბოსნო სკოლის დირექტორმა ვიტალი გრძელიშვილმა. - ეს ამ შეჯიბრებამაც დაადასტურა. ნიჭიერი თაობა მოდის, მთავარია, მათ შესაბამისი ხელშეწყობა ჰქონდეთ. უმცროსი ასაკიდან კარგი შთაბეჭდილება დატოვეს თბილისელმა დებმა - ელენე და ანი ჩაკვეტაძეებმა, ქუთაისელებმა - გიორგი გვახარიამ და დავით ლაშქარავამ, მცხეთელებმა - ვახტანგ კეჩხუაშვილმა და დავით კაპანაძემ. გაისად ამ ახალგაზრდებისთვის მეტ შეჯიბრებას მოვაწყობთ.

კვარცხლბეკი
კადეტები. 500 მ. 1. საბა ქველაძე (მცხეთა, 2.10), 2. კუკური მონიავა (ქუთაისი, 2.13), 3. ამირან მარგალიტაძე (ფოთი, 2.32).

ახალგაზრდები
გოგონები. 500 მ. ერთადგილიანი ნავებით. 1. ლელა ჩოგოვაძე (ქუთაისი, 2.21), 2. ლორა ჩორგოლაშვილი (ქუთაისი, 2.50), 3. ლოლა ჩორგოლაშვილი (ქუთაისი, 2.55); ორადგილიანი წყვილმოსასმელიანი. 1. ლორა და ლოლა ჩორგოლაშვილები (1.47), 2. ელენე და ანი ჩაკვეტაძეები (თბილისი, 2.25).
ვაჟები. 500 მ. 1. ზურაბ ფურცხვანიძე (ქუთაისი, 1.54), 2. დემეტრე ლოსაბერიძე (ქუთაისი, 2.03), 3. ნიკა ფიცხელაური (მცხეთა, 2.10); ორადგილიანი წყილმისასმელიანი. 1. გიორგი გვახარია, კუკური მონიავა (ქუთაისი, 1.44), 2. კახა გოგია, ლაშა ბურკაძე (ფოთი, 2.03), 3. ნიკა ფიცხელაური, ტატო მარტოლეკი (მცხეთა, 2.15). 4000 მ. ერთადგილიანი. 1. დემეტრე ლოსაბერიძე (20.13), 2. ზურაბ ფურცხვანიძე (ქუთაისი, 20.13.1), 3. საბა ქველაძე (მცხეთა, 21.08).

უფროსები
ვაჟები. 500 მ. ერთადგილიანი. 1. ნოდარ მარტოლეკი (მცხეთა, 1.41), 2. გიორგი კანთელაძე (ქუთაისი, 1.48), 3. გიორგი თოფურია (მცხეთა, 1.55); 4000 მ გამოდევნებით. 1. ნოდარ მარტოლეკი (17.07), 2. გიორგი კანთელაძე (18.00), 3. გიორგი თოფურია (19.22).

ყოველდღიური სპორტული გაზეთი "ლელო"
903
მკითხველის კომენტარები / 0 /
რუბრიკის სხვა სიახლეები
;