ნო­ემ­ბ­რის ტეს­ტე­ბი: ლო­გი­კუ­რიც იყო და ბევ­რი უც­ნა­უ­რიც

ნო­ემ­ბ­რის ტეს­ტე­ბი ლო­გი­კუ­რად და­იწყო - მომ­გებ­მა ყვე­ლამ მო­ი­გო. თუმ­ცა, რამ­დე­ნი­მე ან­გა­რი­ში მა­ინც მო­უ­ლოდ­ნე­ლი აღ­მოჩ­ნ­და.

უწი­ნა­რე­სად, ეს ირ­ლან­დი­ი­სა და სამ­ხ­რეთ აფ­რი­კის ნაკ­რე­ბე­ბის და­პი­რის­პი­რე­ბას ეხე­ბა. რო­გორც ჩანს, "ბო­კეს" მთა­ვარ­მა მწვრთნელ­მა ალ­ის­ტერ კუ­ცი­ამ ირ­ლან­დი­ის ნაკ­რებს ტყუ­ი­ლად არ უწო­და "ევ­რო­პის ოლ ბლექ­სი". აფ­რი­კელ­თა მწვრთნე­ლი, რო­გორც ჩანს, წი­ნას­წარ გრძნობ­და მო­სა­ლოდ­ნელ კა­ტას­ტ­რო­ფას. სხვაგ­ვა­რად იმას, რაც "ბო­კემ" "ავი­ვა სთე­დი­უმ­ზე" გა­ნი­ცა­და, ვე­რა­ფერს და­არ­ქ­მევ.

"სამ­ყუ­რებ­მა", მატ­ჩი 38:3 მო­ი­გეს. ამა­ზე უარე­სი შე­დე­გი­ა­ნო­ბა "ბო­კეს" წლე­ულს გა­მარ­თულ ოთხი ერის გა­თა­მა­შე­ბა­ში ჰქონ­და, რო­ცა "ოლ ბლექ­ს­თან" მშრა­ლი ან­გა­რი­შით და­მარ­ცხ­და - 0:57. ყო­ვე­ლი­ვე ამის შემ­დეგ, კუ­ცია ისევ ნაკ­რე­ბის მწვრთნე­ლია!

ირ­ლან­დი­ამ, შე­სა­ნიშ­ნა­ვად ითა­მა­შა გან­სა­კუთ­რე­ბით რაკ­ში, ერ­თი-ერ­თ­ზე ბრძო­ლე­ბი­სას და­ჩაგ­რა მე­ტო­ქე და დამ­სა­ხუ­რე­ბუ­ლად გა­ი­მარ­ჯ­ვა.

ქარ­თ­ვე­ლი ქო­მა­გე­ბის ყუ­რადღე­ბა გან­სა­კუთ­რე­ბით მიპყ­რო­ბი­ლი იყო ორი მატ­ჩის­კენ, რომ­ლებ­შიც 2019 წლის მსოფ­ლი­ოს თას­ზე ჩვე­ნი მე­ტო­ქე­ე­ბი ირ­ჯე­ბოდ­ნენ. ფი­ჯის ეროვ­ნულ­მა გუნ­­დმა ვე­რა­ფე­რი გა­აწყო სტუმ­რად იტა­ლი­ას­თან და 10:19 და­მარ­ცხ­და.

მატ­ჩი მძი­მე, საკ­მა­ოდ უსა­ხუ­რი გა­მოდ­გა. ფი­ჯელ­თა ნა­ქებ­მა გა­რე­მარ­ბებ­მა თა­ვი ვე­რაფ­რით გა­მო­ი­ჩი­ნეს. სა­მა­გი­ე­როდ, ისევ სა­უ­კე­თე­სო იყო "რა­სინ­გის" მე­ო­რე­ხა­ზე­ლი ლი­ო­ნე ნა­კა­რა­ვა, რო­მელ­მაც "სკუ­ად­რა აძუ­რას" ერ­თა­დერ­თი ლე­ლო გა­უ­ტა­ნა. სავა­რა­უ­დოდ, იმ გა­რე­მარ­ბებ­ზე უფ­რო სა­ხი­ფა­თო ჩვე­ნი გუნ­დის­თ­ვის სწო­რედ ნა­კა­რა­ვაა, რო­მე­ლიც ფი­ჯის ნაკ­რე­ბის თა­მაშს ქმნის და, შე­სა­ბა­მი­სად, უკა­ნა­ხა­ზე­ლებს გა­ნა­ვარ­დე­ბის სა­შუ­ა­ლე­ბას აძ­ლევს. ამ მატ­ჩ­ში ეს იშ­ვი­ა­თად ხდე­ბო­და, თუმ­ცა თვი­თონ მა­ინც "გა­ი­ნა­ვარ­და".

მე­ო­რე, ჩვენ­თ­ვის ყვე­ლა­ზე სა­ინ­ტე­რე­სო შეხ­ვედ­რა უელ­სი­სა და ავ­ს­ტ­რა­ლი­ის ნაკ­რე­ბე­ბს შო­რის და­პი­რის­პი­რე­ბაა. "ვო­ლა­ბებ­მა", რო­გორც მო­სა­ლოდ­ნე­ლი იყო, 29:21 მო­ი­გეს. "წი­თელ ურ­ჩხუ­ლებს" ტრავ­მე­ბის გა­მო რამ­დე­ნი­მე წამ­ყ­ვა­ნი მო­რაგ­ბე აკ­ლ­და და ეს გუნ­დის თა­მაშს აშ­კა­რად და­ეტყო.

მომ­დევ­ნო მატ­ჩ­ში, რო­მელ­საც უელ­სის ნაკ­რე­ბი სა­ქარ­თ­ვე­ლოს ეროვ­ნულ გუნ­დ­თან გა­მარ­თავს, "წი­თე­ლი ურ­ჩხუ­ლე­ბის" თავ­კა­ცი უორენ გეთ­ლენ­დი გუნ­დის კი­დევ უფ­რო გა­და­ხა­ლი­სე­ბას გეგ­მავს.

თა­მა­მად შე­იძ­ლე­ბა ით­ქ­ვას, რომ არ­გენ­ტი­ნის ნაკ­რებ­მა ინ­გ­ლი­სის ეროვ­ნულ გუნდს ლონ­დონ­ში, "თვიქ­ნემ­ზე" სე­რი­ო­ზუ­ლი წი­ნა­აღ­მ­დე­გო­ბა გა­უ­წია. "პო­მე­ბის" გა­მარ­ჯ­ვე­ბა (21:8) ყვე­ლა პა­რა­მეტ­რით მოკ­რ­ძა­ლე­ბუ­ლად უნ­და ჩა­ით­ვა­ლოს. სა­ერ­თო მო­საზ­რე­ბით და ინ­გ­ლი­სის რაგ­ბის კავ­ში­რის ოფი­ცი­ა­ლუ­რად დამ­ტ­კი­ცე­ბუ­ლი სტრა­ტე­გი­ით, ინ­გ­ლი­სის ნაკ­რე­ბი მსოფ­ლი­ოს რაგ­ბის ჰე­გე­მო­ნი­ის­კენ მი­ის­წ­რაფ­ვის. ასე­თი თა­მა­შით კი, ამის მიღ­წე­ვა ძა­ლი­ან ძნე­ლი იქ­ნე­ბა.

არ­გენ­ტი­ნე­ლებ­მა კი, წლე­ულს რაც ითა­მა­შეს, თით­ქ­მის ყვე­ლა წა­ა­გეს. "პუ­მებს" მხო­ლოდ ერ­თი მო­გე­ბა აქვთ. ივ­ნი­სის ტეს­ტებ­ზე მათ სა­ქარ­თ­ვე­ლოს ნაკ­რე­ბი და­ა­მარ­ცხეს.

ბო­ლოს "ოლ ბლექ­ს­ზეც" ვთქვათ - მსოფ­ლი­ოს უძ­ლი­ე­რეს­მა გუნ­დ­მა პა­რიზ­ში, "სტად დე ფრან­ს­ზე" საფ­რან­გე­თის ნაკ­რე­ბი პირ­ველ ტა­იმ­ში სრუ­ლი­ად უშან­სოდ და­ტო­ვა. "ლე ბლომ" მდგო­მა­რე­ო­ბა ოდ­ნავ მე­ო­რე ტა­იმ­ში გა­მო­ას­წო­რა. თუმ­ცა, მა­ინც სო­ლი­დუ­რი სხვა­ო­ბით და­მარ­ცხ­და - 18:38.

ნო­ემ­ბ­რის ტეს­ტე­ბი
18 ნო­ემ­ბე­რი
იაპო­ნია-ტონ­გა
ნა­მი­ბია-ურუგ­ვაი
ბელ­გია-ბრა­ზი­ლია
რუ­მი­ნე­თი-სა­მოა
იტა­ლია-არ­გენ­ტი­ნა
ინ­გ­ლი­სი-ავ­ს­ტ­რა­ლია
ეს­პა­ნე­თი-კა­ნა­და
გერ­მა­ნია-აშშ
შოტ­ლან­დია-ახ. ზე­ლან­დია
ირ­ლან­დია-ფი­ჯი
საფ­რან­გე­თი-ს. აფ­რი­კა

ყოველდღიური სპორტული გაზეთი "ლელო"
1324
მკითხველის კომენტარები / 0 /
მსგავსი ამბები
რუბრიკის სხვა სიახლეები
;