ნოემბრის ტესტები: ხუთი ცვლილება არწივებთან მატჩში

25 ნოემბერს, ვაკეში საქართველოს ნაკრები ნოემბრის ტესტების ბოლო მატჩში ამერიკის შეერთებული შტატების ეროვნულ გუნდს დაუპირისპირდება. "ბორჯღალოსნების" ახალზელანდიელმა მთავარმა მწვრთნელმა მილტონ ჰეიგმა საბრძოლო რაზმი დაასახელა, რომელშიც რამდენიმე ცვლილებაა უელსთან მატჩთან შედარებით.

"ბორჯღალოსნებში" ცვლილებები მეტწილად უკანა ხაზს შეეხო. მილტონ ჰეიგმა ფულბეკის პოზიციაზე გამოცდილი მერაბ კვირიკაშვილი დააბრუნა. სოსო მათიაშვილი კი, შესაძლოა, გარემარბად მოგვევლინოს. მას მცირე ტრავმა აწუხებს და ხვალ დილით გაირკვევა, შეძლებს თუ არა თამაშს. თუ არა, მაშინ 14 ნომრის პოზიციაზე ისევ გიორგი კოშაძეს ვიხილავთ.

ამერიკელებთან არ ითამაშებს შუამარბი დავით კაჭარავა. მის ადგილს (#13) გუნდის კაპიტანი მერაბ შარიქაძე დაიკავებს. 12 ნომრის პოზიციაზე კი, ახალგაზრდა გიორგი კვესელაძე იქნება, რომელიც პირველად ითამაშებს ეროვნული ნაკრების ძირითად შემადგენლობაში. დებიუტი მას ნოემბრის ტესტებზე კანადის ნაკრებთან შეხვედრაში ჰქონდა.

მეორე გარემარბი ისევ მირიან მოდებაძე იქნება. მგეზავის პოზიციას კი რეზო ჯინჭველაშვილი დაიკავებს. ლაშა ხმალაძე განაცხადში საერთოდ არ არის. მგეზავის შემცვლელი თადარიგში ლაშა მალაღურაძე იქნება, რომელსაც განვლილ ორ მატჩში არ უთამაშია.

ძირითადი ცხრა ნომერი ისევ ვასილ ლობჟანიძეა. თუმცა, შეიცვალა მისი დუბლიორი. გიორგი ბეგაძის ნაცვლად თადარიგში ახალგაზრდა გელა აფრასიძე იქნება.

საგულისხმოა, რომ მილტონ ჰეიგმა სათადარიგოთა შორის რვიდან ექვსი მორკინალი შეიყვანა. ძირითადი შემადგენლობის პირველი ხაზი უცვლელია. თადარიგში კი, მარცხენა ბურჯის პოზიციაზე, კარლენ ასიეშვილის ნაცვლად ზურაბ ჟვანია იქნება.

მეორე ხაზში ძირითად შემადგენლობაში დადგება გიორგი ჩხაიძე, რომელიც ეროვნულ გუნდში მე-100 კეპს მოიხვეჭს. მას პარტნიორობას კონსტანტინე მიქაუტაძე გაუწევს. თადარიგში გადაინაცვლებს გიორგი ნემსაძე.

დიდი ხნის შესვენების შემდეგ ძირითად შემადგენლობაში ითამაშებს მესამეხაზელი შალვა სუთიაშვილი. ლაშა ლომიძე და გიორგი თხილაიშვილი კი თადარიგში იქნებიან. მესამე ხაზის სხვა ორი მორაგბე ვიქტორ კოლელიშვილი და ბექა ბიწაძე უცვლელია.

* **
ამერიკელებმა ძირითად შემადგენლობაში, რომლითაც გერმანიასთან ითამაშეს, ორი ცვლილება განახორციელეს. ორივე მესამეხაზელია. "არწივებს" ჯონ ქვილი და სემუ მანოა დაემატნენ.

შეგახსენებთ, რომ მატჩი საქართველოსა და აშშ-ის ნაკრებებს შორის ვაკის სტადონზე 18 საათზე დაიწყება.

საქართველო-აშშ
საქართველო: 15. მერაბ კვირიკაშვილი, 14. სოსო მათიაშვილი/გიორგი კოშაძე, 13. მერაბ შარიქაძე, 12. გიორგი კვესელაძე, 11. მირიან მოდებაძე, 10. რეზო ჯინჭველაშვილი, 9. ვასილ ლობჟანიძე, 1. მიხეილ ნარიაშვილი, 2. ჯაბა ბრეგვაძე, 3. ლევან ჩილაჩავა, 4. გიორგი ჩხაიძე, 5. კონსტანტინე მიქაუტაძე, 6. შალვა სუთიაშვილი, 7. ვიქტორ კოლელიშვილი, 8. ბექა ბიწაძე
სათ: 16. შალვა მამუკაშვილი, 17. ზურაბ ჟვანია, 18. სოსო ბეკოშვილი, 19. გიორგი ნემსაძე, 20. ლაშა ლომიძე, 21. გიორგი თხილაიშვილი, 22. გელა აფრასიძე, 23. ლაშა მალაღურაძე
აშშ: 15. ბლეინ სკული, 14. მაიკ ტეო, 13. მარსელ ბრეში, 12. ბრაის კემპბელი, 11. რაიან მატიასი, 10. ეი ჯეი მაკგინტი, 9. შონ დევისი, 1. ოლივერ კილიფი, 2. ჯო ტაუფეტეე, 3. დინო ვოლდრენი, 4. გრეგ პიტერსონი, 5. ნიკ ჩივეტა, 6. ბენ ლანდრი, 7. ჯონ ქვილი, 8. სემუ მანოა.
სათ: 16. პიტერ მალკოლმი, 17. ჰულუჰოლო მოუნგალოა, 18. პატრიკ რაიანი, 19. ნეთ ბრეკლი, 20. ენდრიუ დურუტალო, 21. ტონი ლამბორნი, 22. ნეთ აუგსპურგერი, 23. ვილი მაჯი

* * *
ცხადია, საინტერესოა, როგორი შემადგენლობებით ითამაშებენ ჩვენი მეტოქეები 2019 წლის მსოფლიოს თასზე.

უელსის ნაკრების თავკაცმა ძირითად შემადგენლობაში რვა ისეთი მოთამაშე შეიყვანა, რომლებსაც გასულ უქმეებზე ჩვენს წინააღმდეგ არ უთამაშიათ. ესენია: ლი ჰალპფენი, აარონ შინგლერი, ალუნ ვინ ჯოუნსი, ჯეკ ბეილი, ოუენ უილიამსი, სტეფ ევანსი, რობ ევანსი და კენ ოუენსი. თადარიგში კი არიან: ჯასტინ ტიპურიკი და ვეტერანი ჯიმი რობერტსი. "წითელი ურჩხულები" "პრინსიპალიტი სთედიუმზე" "ოლ ბლექსს" დაუპირისპირდებიან.

უელსი
15. ლი ჰალპფენი, 14. ჰალემ ეიმოსი, 13. სკოტ უილიამსი, 12. ოუენ უილიამსი, 11. სტეფ ევანსი, 10. დენ ბიგარი, 9. რის ვები, 1. რობ ევანსი, 2. კენ ოუენსი, 3. ტომას ფრენსისი, 4. ჯეკ ბეილი, 5. ალუნ ვინ ჯოუზი, 6. აარონ შინგლერი, 7. ჯოშ ნავიდი, 8. ტაულუპე ფალეტაუ.

დიდი ბრძოლის გადატანა მოუწევს ავსტრალიის ნაკრებსაც, რომელიც ედინბურგში, "მერიფილდზე" შესანიშნავ ფორმაში მყოფ შოტლანდიის ნაკრებს დაუპირისპირდება. "სკოტების" შემადგენლობა საბრძოლოა. არანაკლები სერიოზულობით მოეკიდა "ნარშავებთან" მატჩს "ვოლაბების" თავკაცი მაიკ ჩეიკა.

შეგახსენებთ, რომ ავსტრალიის ნაკრებმა უელსის ეროვნული გუნდის დამარცხების შემდეგ (29:21), "თვიქნემზე" ინგლისის ნაკრებთან წააგო - 6:30.

ავსტრალია
15. კარტლი ბილი, 14. მარიკა კოროიბეტე, 13. ტევიტა კურიდრანი, 12. სემუ კერევი, 11. რის ჰოგი, 10. ბერნარ ფოლი, 9. ვილი გენია, 1. სკოტ სიო, 2. სტივენ მური, 3. სეკოპე კეპუ, 4. რობ საიმონსი, 5. ბლეკ ენიერი, 6. ბენ მაკკალმენი, 7. მაიკ ჰუპერი, 8. შომ მაკმაჰონი.

ნოემბრის ტესტები
25 ნოემბერი
ესპანეთი-ბრაზილია
შოტლანდია-ავსტრალია
ინგლისი-სამოა
იტალია-სამ. აფრიკა
რუმინეთი-ტონგა
ნამიბია-ურუგვაი
გერმანია-ჩილე
უელსი-ახ. ზელანდია
ირლანდია-არგენტინა
საფრანგეთი-იაპონია
ფიჯი-კანადა.

ყოველდღიური სპორტული გაზეთი "ლელო"
597
მკითხველის კომენტარები / 0 /
მსგავსი ამბები
რუბრიკის სხვა სიახლეები