ნორვეგიელი ფორვარდი შოთა არველაძის რეკორდს დაემუქრა

"ტრაბზონსფორის" თავდამსხმელი ალექსანდრ სრლოტი, თურქეთის სუპერლიგის ბოლო ტურში "ანკარაგიუჯუს" კარში გატანილი გოლით, კლუბის რეკორდს მიუახლოვდა - ტრაბზონელთა ნორვეგიელმა  ლეგიონერმა მიმდინარე სუპერლიგაში, თურქეთის თასსა და ევროპალიგაზე 28 გოლი გაიტანა და შოთა არველაძის რეკორდს დაემუქრა.

ქართველმა ფეხბურთელმა რეკორდი 1995-96 წლების სეზონში დაამყარა, როცა საშინაო და საერთაშორისო სარბიელზე "ტრაბზონსფორის" ფორმით მეტოქეთა კარი 30-ჯერ აიღო, აქედან 25 - ჩემპიონატის მატჩებში მოახერხა.

საინტერესო იქნება, გადავხედოთ "ტრაბზონსფორის" ყველაზე შედეგიან ფეხბურთელებს ერთი სეზონის მასშტაბით:

1995/96 - შოთა არველაძე, 30 გოლი; 2019/20 - ალექსანდრ სრლოტი, 28 (სეზონი გრძელდება); 2013/14 - პაულო ენრიკე, 21; 2014/15 - ოსკარ კარდო, 20.

ამდენად, ნორვეგიის ნაკრების (17 მატჩი, 2 გოლი) ფორვარდს დარჩენილ 5 ტურში შოთას რეკორდის გაუმჯობესების შანსი აქვს. სორლოტი "კრისტალ პალასის" მოთამაშეა, თუმცა გუნდში ადგილი ვერ დაიმკვიდრა და "ტრაბზონსფორამდე" გიორგი ჩაკვეტაძესა და გიორგი ქვილითაიასთან ერთად იჯარით "გენტშიც" თამაშობდა.

952
მკითხველის კომენტარები / 0 /
მსგავსი ამბები
რუბრიკის სხვა სიახლეები
;